1st Gujarati Music &

Literature App

With over 50,000+ songs, hundreds of stories, poems, and podcasts, Jalso covers the widest range of Gujarati music & literature

Iphone-Home-Page-Mockup-2-250x500
  • Listen to Gujarati Music 24x7
  • Share music with friends & family
  • Create your own playlists
  • Download & listen when offline
  • Save your favourites
Der Online-Casino-Markt verändert sich ständig und was 2019 neu ist, ist in erster Linie die Voraussetzung für eine USA- Lizenz. Dies bedeutet, dass alle Websites, sowohl Casinos mit Paypal als auch casino paypal deutschland, jetzt genehmigt werden müssen. Sie haben strenge Bedingungen in Bezug auf Boni, Freispiele, Marketing und so weiter.
SOMETHING FOR EVERYONE IN LOVE WITH GUJARATI LANGUAGE

CATEGORIES ON JALSO APP

STORIES, POETRY, CHILDREN'S LITERATURE AND MUCH MORE!

JALSO SPECIAL

THE BEST OF SUGAM, FOLK, FILM, DEVOTIONAL AND GARBA MUSIC!

GUJARATI MUSIC

About Jalso

Jalso – First Gujarati Mobile App

Jalso is India’s first exclusively Gujarati Music and Literature App. With listeners in 111 countries and over 50,000+ songs as well as a spate of literary content including stories, poetry and Children’s Literature, Jalso is bridging Gujaratis in Gujarat and the world over, with the language of our dreams and our soul.

THE JALSO BLOG

GUJARATI NO JALSO

Read More
Artists

જયંત ખત્રી – સામ્યવાદી વિચારસરણીના સર્જક

ગુજરાતી સાહિત્યમાં ટૂંકી વાર્તાઓ એ સર્જકો અને વાચકો બન્ને પક્ષે ફેવરિટ રહી છે. જ્યારથી ગુજરાતીમાં ટૂંકી વાર્તાઓ લખવાની શરૂઆત થઈ, ત્યારથી ઘણાં એવા સર્જકો થઈ ગઈ, જેઓને ગુજરાતી ભાષાના પ્રથમ હરોળના વાર્તાકારોમાં મૂકી શકાય. તેવા જ એક વાર્તાકાર એટલે ખત્રી જયંત હીરજી. જેમનો જન્મ ૨૪ સપ્ટેમ્બર,૧૯૦૯ અને મૃત્યુ ૬ જૂન ૧૯૬૮ના રોજ થયું હતું. તેમનો જન્મ મુંદ્રા (કચ્છ)માં. પ્રાથમિક શિક્ષણ ભૂજમાં. માધ્યમિક શિક્ષણ મુંબઈની ન્યૂ ભરડા હાઈસ્કૂલમાં. 

૧૯૨૮માં મેટ્રિક. ૧૯૩૫માં મુંબઈ નેશનલ મેડિકલ કૉલેજમાંથી એલ.સી.પી.એસ. થઈ પહેલાં ત્યાં ને પછી માંડવી (કચ્છ)માં દાકતરી વ્યવસાય કર્યો હતો. જયંત ખત્રીની વાર્તાઓ વાંચતા એમન થાય કે તેઓએ મધ્યમવર્ગને બખૂબી આલેખ્યો છે. એવો વર્ગ જે સતત જીવનના બે પડ વચ્ચે પીસાતો રહ્યો છે. તેનું મૂળ ભૂજમાં અને મુંબઈમાં શ્રમજીવીઓની વચ્ચેના તેમના વસવાટમાં છે. તેને કારણે તે વર્ગના જીવનની વિષમતાઓનો પ્રત્યક્ષ અનુભવ થયો. બકુલેશ જેવા મિત્રોની સાથે સામ્યવાદી વિચારસરણીના ઘનિષ્ઠ પ્રભાવ હેઠળ તેઓ આવ્યા. નાવિક મંડળના, કચ્છ-માંડવી તથા માંડવી નગરપાલિકાના પ્રમુખ બન્યા. ઉમાસ્નેહરશ્મિ જેવા ઘણા પારિતોષિકના વિજેતા બન્યા. 

‘ફોરાં’ (૧૯૪૪), વહેતાં ઝરણાં’ (૧૯૫૨) અને ‘ખરા બપોર’ (મરણોત્તર, ૧૯૬૮) સંગ્રહોમાં એમની એકતાલીસ વાર્તાઓ છે. જુદાં જુદાં સામયિકોમાં પ્રગટ થયેલી આઠ વાર્તાઓ અગ્રંથસ્થ છે. ‘લોહીનું ટીપું’, ‘આનંદનું મોત’, ‘ખીચડી’, ‘હું’, ‘ગંગી અને અમે બધાં’, ‘સિબિલ’ વગેરે વાર્તાઓ વાસ્તવલક્ષી અભિગમને લીધે, તો ‘અમે બુદ્ધિમાનો’, ‘યાદ અને હું’, ‘અમે’, ‘પ્રતાપ ઓ પ્રતાપ !’, ‘ડેડ એન્ડ’, ‘ખલાસ’, ‘જળ’ વાર્તાઓ વિશિષ્ટ નિરૂપણરીતિ તેમ જ પ્રયોગાત્મક વલણને કારણે ધ્યાન ખેંચે છે. ‘પતંગનું મોત’, ‘માટીનો ઘડો’, ‘નાગ’માં રહસ્યને કલાત્મક રીતે વંયજિત કરવામાં પ્રતીકો અને કલ્પનોનો વિનિયોગ થયો છે, તો ‘ધાડ’, ‘ખરા બપોર’ અને ‘માટીનો ઘડો’માં પ્રદેશવિશેષનું જીવંત તાદ્રશ ચિત્રણ વાર્તા સાથે આંતરસંબંધ પણ ધરાવે છે. સ્વરૂપની દ્રષ્ટિએ આ બધી વાર્તાઓ ઘટનાપ્રધાન છે. સ્થૂળ અને આકસ્મિક ઘટનાઓનો આધાર પણ લેવાયો છે, પરંતુ દ્રષ્ટિક્ષેપ પાત્રોના ભીતરી વ્યાપારો પર જ હોય છે. એ ભીતરી વ્યાપારોથી પ્રેરિત પ્રતિક્રિયા ફરી કોઈ ગમખ્વાર ઘટના સરજે છે. માનવમનની ગૂઢ સંકુલતાઓને વાર્તાકાર એવી રીતે આલેખે છે કે એમાંથી ઘણીવાર કલાપોષક સંદિગ્ધતા જન્મે છે. ‘તેજ ગતિ અને ધ્વનિ’ આ દ્રષ્ટિએ નોંધપાત્ર રચના છે.

તેઓ પોતાની આ સાહિત્ય લીલાને ઘણાં વર્ષો સુધી યથાવત રાખી શક્યા. પરંતુ, કેન્સરના નામે કાળની એક થપાટને કારણે તેઓ આ દેહ છોડીને શબ્દ દેહમાં અમર થઈ ગયા.

Read More
Artists

ગુજરાતના કોકિલ કંઠી ગાયિકા – કૌમુદિ મુન્શી (Kaumudi Munshi)

વૌ ભી એક દૌર થા… ગુજરાતી ફિલ્મ ઇન્ડસ્ટ્રીના સુવર્ણકાળનો ફાયદો મુંબઈની બોલિવુડ ઇન્ડસ્ટ્રીને પણ સતત મળ્યો છે. ગુજરાતી સંગીત અને સિને જગતે દુનિયાને કેટકેટલું આપ્યું છે? અને હજુ પણ એ સિલસિલો બરકરાર જ છે ને. ગુજરાતીઓ વેપારી પ્રજા હોવા છતાં કલાના ક્ષેત્રમાં પણ શિરમોર જ છે. અલબત્ત, આપણી વેપારી સમજણને કારણે જ તો આપણને સમજાય છે કે લોકોને કલા કેવી રીતે પીરસવી. ખરું ને?

ગુજરાતી ગુજરાત છોડીને જે જે પ્રાંતમાં વસ્યાં છે, ત્યાં તેમણે મોટાભાગના ક્ષેત્રો પર હાથ અજમાવ્યા છે અને સફળતા પણ મેળવી છે. આવો જ એક પરીવાર છે બનારસનો મુન્શી પરીવાર. આ પરીવાર મૂળે તો ગુજરાતના વડનગરનો નાગર પરીવાર છે. પરંતુ, છેલ્લી 6-7 પેઢીથી તેઓ બનારસમાં સ્થાયી થયા છે. સ્વાભાવિક રીતે જ પછી તેમની બોલચાલની ભાષા હિન્દી જ થઈ જાય. છતાં, આ પરીવારમાંથી એક એવા ગાયિકા જન્મે છે, જેઓ ગુજરાતના કોયલ તરીકે ઓળખાય છે.

વાત કરી રહ્યા છીએ, ગુજરાતનું ખૂબ જ જાણીતું નામ એવા શ્રીમતી કૌમુદિ મુન્શી. તેઓ જાણીતા ગાયક અને સંગીતકાર નિનુ મજુમદારના પત્ની છે. તેમની ગાયકીની પ્રસિદ્ધિની પાછળનું કારણ તેમનો કોકિલ કંઠી અવાજ છે. તેઓ ખૂબ ઓછા ગુજરાતી કલાકારોમાંથી એક છે, જે ગુજરાતી સુગમ સંગીતની સાથે ઠુમરી, દાદરા, ચૈતી, કજરી, ગઝલ અને ભોજપૂરી લોક ગીતોના ગાયક છે. તેમણે સિદ્ધેશ્વરી દેવી નામના ઠુમરીના પ્રસિદ્ધ કલાકાર પાસેથી તાલિમ લીધી હતી.

પાછળથી મુંબઈ જઈને તેઓ ઑલ ઇન્ડિયા રૅડિયોમાં કાર્યરત થયા. માત્ર એટલું જ નહીં, તેમણે એચ.એમ.વી માટે પણ ઘણાં ગરબા તથા સુગમ સંગીતના ગીતો ગાયા છે. પાર્શ્વ ગાયિકા તરીકે પણ તેમણે ઇન્ડસ્ટ્રીમાં ઘણું કામ કર્યું છે. ઘણાં જાણીતા સંગીતકારો સાથે તેમણે કામ કરેલું છે.

કૌમુદિ મુન્શીના પારીવારિક બેકગ્રાઉન્ડ વિશે વાત કરીએ તો, તેમના દાદા માધવલાલ મુન્શી બ્રિટિશ ગવર્નર વાઇસરૉય લૉર્ડ મિન્ટોની ઍડવાઇઝરી કમિટીમાં રાસબિહારી ઘોષ સાથે સમ્મિલિત હતા. તેમના માતા પણ ગુજરાતના જાણીતા સાક્ષર પરીવારમાંથી આવતા હતા. ગુજરાતના જાણીતા સર્જક ર.વ.દેસાઈ કૌમુદિ મુન્શીના સગા મામા હતા.

આમ, આટલાં વિદ્વાન પરીવારમાંથી સંગીત, સાક્ષરતા અને સંસ્કારોનું ભાથું લઈને આવતા હોવાથી કૌમુદિ મુન્શીના પોતાના વ્યક્તિત્વમાં સાલસતા, મીઠાશ અને નિર્માનીપણું હતાં. તેઓ ઠુમરીના શ્રેષ્ઠ ગાયક હતા. ઠુમરીના શબ્દોની સાથે તેમના હાવભાવ અને લાગણીઓ એવા એકરૂપ થઈ જતા હતા કે શ્રોતાઓ પણ તેમના સંગીત સાથે એકતાન થઈ જતા.

 

 

 

 

 

 

Read More
Artists

વૌ ભી એક દૌર થા – નિનુ મજુમદાર (Ninu Majumdar)

વૌ ભી એક દૌર થા… ગુજરાતી ફિલ્મ ઇન્ડસ્ટ્રીના સુવર્ણકાળનો ફાયદો મુંબઈની બોલિવુડ ઇન્ડસ્ટ્રીને પણ સતત મળ્યો છે. ગુજરાતી સંગીત અને સિને જગતે દુનિયાને કેટકેટલું આપ્યું છે? અને હજુ પણ એ સિલસિલો બરકરાર જ છે ને. આ વાતના સંદર્ભમાં કેટકેટલાંય ઉદાહરણો તમે સાંભળ્યા હશે. કેટલાંય ટ્રિવિયા તમને મોઢે હશે. જગજિતસિંહને પહેલો બ્રેક આપવાની વાત હોય, કે તાજેતરમાં જ આપણે પ્રતિક ગાંધી દ્વારા કરાવેલું સ્કૅમ – 1992 હોય! ગુજરાતીઓ વેપારી પ્રજા હોવા છતાં કલાના ક્ષેત્રમાં પણ શિરમોર જ છે. અલબત્ત, આપણાં વેપારી ભેજાને કારણે જ તો આપણને સમજાય છે કે લોકોને કલા કેવી રીતે પીરસવી. ખરું ને? 

આપણે જેને નિનુ મજુમદાર તરીકે ઓળખીએ છીએ, તેવા શ્રી નિરંજન મજુમદારની વાત કરીએ તો 9 સપ્ટેમ્બરે તેમની જન્મતિથિ છે. નિનુ મજુમદાર એ સમગ્ર સંગીત જગતનું ખૂબ જાણીતું નામ છે. હિન્દુસ્તાની સંગીત હોય કે પછી ગુજરાતી સુગમ સંગીત. રવિન્દ્ર સંગીત હોય કે પછી ગરબા અને ગઝલો. નિનુ મજુમદારે એક પણ ક્ષેત્ર બાકી નથી રાખ્યું. તેમાં બોલિવુડનું ફિલ્મ સંગીત પણ આવી ગયું. 

તેમના જીવન કવન પર નજર કરીએ તો તેઓ એવા પરિવારનું સંતાન હતા, જ્યાં આઝાદીનો ખરો અર્થ સમજાતો હતો. તેમના માતા અને દાદી સૂરત શહેરના સ્વાતંત્ર્ય સેનાની હતા. તો પિતા નગેન્દ્ર મજુમદાર નાટક અને ફિલ્મ પ્રોડ્યુસર રહી ચૂક્યા છે. પરિવાર દ્વારા મળેલી સ્વતંત્રતાને કારણે જ નિનુ સાહેબ સંગીતની ખોજ કરી શક્યા છે. સંગીતની આ ખોજ તેમને ભારતભરમાં ફેરવી લાવી છે. સંગીતની સફરમાં વચ્ચે એક પડાવ લઈને તેમણે ખેતી પણ કરી, બોલો. 

નિનુ સાહેબના સંગીત પર ઉત્તર પ્રદેશના શાસ્ત્રીય અને લોક સંગીતનો ખૂબ પ્રભાવ રહ્યો છે. તેમણે હોરી, ચૈતી,બરખા બિરાહા, ઠુમરી અને દાદરા જેવા ઘણાં સંગીતના પ્રકારોને ફંફોસ્યા છે. મૂળથી શીખ્યા છે. પછી તેની અજમાઈશ કરી છે. અને તેનું પરિણામ? યશોમતી મૈયા સે પૂછે નંદલાલા – નાનપણમાં આપણે સ્કૂલમાં ગાયેલું આ ભજન નિનુ મજુમદારની પેશકશ છે. નિનુ મજુમદાર દ્વારા મશહૂર ફિલ્મ અભિનેતા રાજ કપૂરની શરૂઆતની બે ફિલ્મોમાં મ્યુઝિક આપવામાં આવ્યું હતું. જેલ યાત્રા અને ગોપીનાથ. અને આ ગોપીનાથ ફિલ્મ પરના એક ગીત – ઐ ગોરી રાધિકાની ધૂન પરથી સત્યમ્ શિવમ્ સુંદરમ્ ગીત તૈયાર કરવામાં આવ્યું છે. 

નિનુ સાહેબના સંગીત પણ કોણે નથી ગાયું, તે પ્રશ્ન છે. અમીરબાઈ કર્ણાટકી હોય કે લતા મંગેશકર. આશા ભોંસલેથી લઈને મન્ના ડે અને પુરુષોત્મ ઉપાદ્યાયથી લઈને આસિત દેસાઈ સુધી તમામે એક યા બીજી રીતે તેમની સાથે કામ કર્યું છે. 

1954નું વર્ષ એ નિનુ સાહેબના જીવનનું મહત્વનું વર્ષ રહ્યું છે. આમ તો આ વર્ષ ગુજરાતી ફિલ્મ અને સંગીતની દુનિયા માટે ખાસ રહ્યું છે. કારણ કે આ જ વર્ષે નિનુ મજુમદાર અને કૌમુદિની મુન્શી લગ્નસંબંધથી જોડાયા અને આ જ વર્ષથી નિનુ મજુમદારે ઑલઇન્ડિયા રૅડિયો, મુંબઈ માટે કામ કરવાની શરૂઆત કરી. વિવિધ ભારતી પર ફિલ્મ સંગીત પ્રસારિત કરવાની શરૂઆત થઈ, ત્યારે સૌનો ચહિતો જયમાલા કાર્યક્રમ નિનુ મજુમદાર દ્વારા પ્રૉડ્યુસ કરવામાં આવ્યો હતો. 

પોતાની ફિલ્મોની સફર તેમણે લગભગ 1942થી શરૂ કરી હતી. તેમાં હિન્દી ફિલ્મોની સાથે સાથે ઓખાહરણ અને શરદપૂનમ જેવી ખ્યાતનામ ગુજરાતી ફિલ્મોનો પણ સમાવેશ થાય છે. 

ગીતકાર-સંગીતકાર અને ગાયક એ ત્રણે કલાનું કોમ્બિનેશન ભાગ્યે જ કોઈકમાં એકસાથે જોવા મળે. નિનુ મજુમદાર તેમાંના એક હતા. આ માટે જ અવિનાશ વ્યાસે તેમને `બિલિપત્ર’નું બિરુદ આપ્યું હતું. ઉસ્તાદ ફૈયાઝખાં તથા ઉત્સાદ ઇમામ અલીખાંના શિષ્ય નિનુ મજમુદાર વડોદરાના જમીનદાર નાગર કુટુંબનું સંતાન હતા. તેમનું મૂળ નામ નિરંજન મઝુમદાર હતું.

તેમણે અનેક હિન્દી-ગુજરાતી ફિલ્મોમાં સંગીત આપ્યું છે. રવીન્દ્ર સંગીત જાણતા નીનુભાઇએ લોકસંગીતમાં સંશોધન કર્યું છે અને સૂરદાસ તથા અન્ય સંતકવિઓની રચનાઓ પણ સ્વરબદ્ધ કરી છે. તેમણે બાંસુરીવાદનના કાર્યક્રમો આપ્યા છે. તેમની રચનાઓમાં સંગીતના ઊંડા રસની અભિવ્યક્તિ અને અગાધ જ્ઞાન જોવા મળે છે. ચાળીસના દાયકામાં નિનુભાઈનો અવાજ હિન્દી ફિલ્મોમાં સાંભળવા મળે છે. સરદાર અખ્તર સાથે `ઉલઝન’માં, અમીરભાઇ કર્ણાટકી સાથે `પરિસ્તાન’માં અને મીનાકપૂર સાથે `ગોપીનાથ’માં તેમણે ગીતો ગાયાં છે. રાજકપૂરની સૌપ્રથમ ફિલ્મો `જેલયાત્રા’ અને `ગોપીનાથ’માં તેમણે સંગીત નિર્દેશન કર્યું છે. ફિલ્મ `ગોપીનાથ’ માટે એમણે લખેલું ગીત – આઇ ગોરી રાધિકા ને શબ્દોમાં સહેજ ફેરફાર કરીને એ જ તરજ સાથે ફિલ્મ `સત્યમ્ શિવમ્ સુંદરમ્’માં લેવામાં આવ્યું હતું. એ ગીત હતું – યશોમતી મૈયા સે બોલે નંદલાલા. બાળકો માટે તેમણે સંખ્યાબંધ સંગીતનાટિકાઓ અને ગીતો લખ્યાં છે. રાષ્ટ્રીયસ્તરે પણ એમનું ગીત – આકાશગંગા સૂર્ય ચંદ્ર તારા સંધ્યા ઉષા કોઇનાં નથી – પસંદગી પામ્યું છે, તે ગુજરાતીઓ માટે ગૌરવની વાત છે. રાષ્ટ્રીય સમારોહ માટે જુદી જુદી ભાષાઓમાંથી સર્વશ્રેષ્ઠ રચનાઓની પસંદગી સરકાર દ્વારા થતી હોય છે તેમાં ગુજરાતી ભાષામાંથી નિનુભાઇની આ રચના પસંદ થઇ છે. 1954થી નિનુભાઈએ ઓલ ઈન્ડિયા રેડિયો – મુંબઈ માટે 20 વર્ષ સુધી લાઈટ મ્યૂઝિક પ્રોડ્યુસર તરીકે સેવાઓ આપી હતી. ઓખાહરણ અને શરદપૂનમ જેવી ઘણી બધી ગુજરાતી ફિલ્મોમાં પણ તેમણે સંગીત આપ્યું છે. નિનુભાઈનો સમગ્ર પરિવાર શબ્દ અને સૂર સાથે જોડાયેલો છે. નિનુભાઈ હવે હયાત નથી પણ એમના ઘરનો સૂરવૈભવ આજે પણ સમૃદ્ધ છે. નિનુભાઈના પત્ની કૌમુદી મુન્શી (પ્રખ્યાત ગાયિકા), ત્રણ દીકરીઓ રાજુલ મહેતા (ગાયિકા), સોનલ શુકલ (સોશિયલ એક્ટિવિસ્ટ), મીનળ પટેલ (અભિનેત્રી) તથા સૌથી નાનો દીકરો ઉદય મઝુમદાર (સ્વરકાર-ગાયક) છે, જેઓ પણ ગુજરાતી ગીત-સંગીતની દુનિયામાં સારી નામના મેળવી ચૂક્યા છે.

ગુજરાતી સંગીતને વરેલા આવા લિજેન્ડ વિશે વધારે તો શું કહી શકીએ? તેમના ગીતો આજે પણ માણવા હોય, તો સરનામું તો તમને ખ્યાલ જ છે ને? જલસો મ્યુઝિક ઍપ. કૌમુદિની મુન્શી અને નિનુ મજુમદારના જીવનના ઘણાં પડ એવા છે, જે જાણવાની મજા આવે. Keep listening Jalso!

WHAT SOME COOL FOLKS ARE SAYING ABOUT US

WHY JALSO ROCKS

CONNECT WITH US