Read More
Artists, Classics, Singers

સૂરોની મલિકા: હેમા દેસાઇ (Hema Desai)

હેમા બેનને પણ પતિ આશિત દેસાઇ અને પુત્ર આલાપ દેસાઇની જેમ ભેટમાં મળેલ સંગીત એક ભાગ છે. તેમણે વિસ્તૃત કારકીર્દિ દરમિયાન કોન્સર્ટ, ફિલ્મ, ટેલિવિઝન અને રેડિયોમાં આશિતદેસાઈ અને આલાપ સાથે રેકોર્ડ અને રજૂઆતો કરી છે. તેમણે તેમના શુદ્ધ, ક્લાસિકલ પ્રશિક્ષિત ભારતીય કંઠ્યથી તેમના પતિના સંપૂર્ણ પૂરક બનીને ‘તારા વિના શ્યામ’, ‘મારી મહિસાગરની’, ‘ઢોલીડા ઢોલ ધીમો’, જેવા ખૂબ પ્રખ્યાત ફિલ્મી ગીતો, લગ્નગીતો, ગરબા અને ભક્તિગીતો આપેલ છે.

સુગમ સંગીતમાં તેમના મોરપીંછની રજાઈ, સાત પગલાં આકાશમાં, હૈયામાં એક મોર પાળ્યો છે મેં ખૂબ જાણિતા છે. હેમા દેસાઈ અને આશિત દેસાઈ જલસોના લાઈવ જેમિંગમાં પણ આવ્યા હતા. સાંભળવા માટે ક્લિક કરો અહિયા.

હેમા દેસાઈ અને આશિત દેસાઈને જલસોની on-ground concert ‘પારિજાત’માં live સાંભળવા ક્લિક કરો અહિયા.

Read More
Artists, Classics, Composers, Singers

ગાયક-સ્વરકાર: હરિશચંદ્ર જોષી (harishchandra Joshi)

 હરિશચંદ્ર જોષી સૌરાષ્ટ્રના ભાવનગર જિલ્લાના વતની છે. બોટાદમાં તેઓ રહે છે. મોરારીબાપુ જોડે આયોજન કાર્યોમાં સતત મદદ કરતા રહ્યા છે. તેઓ પ્રખ્યાત ગાયક છે. પોતે કવિ પણ છે. અને પરપોટો પાણીમાં મુંઝાય, કોણ વરસાદનું કદ જુએ છે, રખડુ છીએ સ્વભાવથી, જંગલ સમી મારી પીડા, સાદ પાડું છું ક્યારનો જેવા ગીતોમાં અદ્દભુત સ્વરાંકન કર્યું છે.

Read More
Artists

વાર્તાકાર: & કેળવણીકાર ગીજુભાઇ બધેકા (Gijubhai badheka)

ગીજુભાઇ બધેકા ખૂબ જાણીતા લેખક છે. તેમનું પુરું નામ ગીરજા શંકર બધેકા છે અને તેમને ‘મુછાળી મા’ના નામે લોકો ઓળખે છે. તેમનો જન્મ સૌરાષ્ટ્રના ચિત્તલ ગામમાં થયો હતો. તેમણે ‘આનંદી કાગડો’, ‘ચાલાક સસલું’, ‘બા અને ’વાંદરો’ વગેરે મુખ્ય રચનાઓ રચેલી છે. તેઓ લેખકની સાથે શિક્ષક પણ હતા. પોતાની સંસ્થામાં તેમણે હરિજન લોકોને પ્રવેશ આપેલો અને બારડોલી સત્યાગ્રહના સમય દરમિયાન તેમણે બધાને સહાયતા આપવા માટે છોકરાઓની ‘વાનર સૈના’ રચેલી. ૧૯૦૭થી અત્યાર સુધી ૨૦૦ જેટલી કૃતિઓ લખેલી છે. બાળકો, શિક્ષણ, મુસાફરી, રમૂજ વિષય પર તેમણે કૃતિઓ લખેલી છે. તેમણે બાળકો, માતા – પિતા, શિક્ષણાધિકારી માટે મુખ્ય લખેલું છે. ગીજુભાઇ બધેકાની મોટા ભાગની વાર્તાઓ જલસોના “ઝગમગ”માં સમાવેલી છે.

Read More
Artists, Classics, Composers

સિદ્ધ સ્વરકાર: ગૌરાંગ વ્યાસ ( Gaurang Vyas)

ગૌરાંગ વ્યાસ એક ખૂબ જ જાણીતા સ્વરકાર છે, ૧૨૫થી વધુ ફિલ્મોમાં સંગીત નિર્દેશક તરીકે કામ કરીને ગુજરાતી ફિલ્મોનાં અતિસુંદર ગીતો આપીને લોકપ્રિય બનેલા ગૌરાંગ વ્યાસે 25થી વધુ સિરિયલોમાં પોતાની કલા દર્શાવી છે. ૧૦૦૦થી વધુ અન્ય ગીતોનું પણ નિર્દેશન કર્યું છે. ૧૮થી પણ વધુ ગુજરાતી ફિલ્મો માટે “શ્રેષ્ઠ મ્યુઝિક નિર્દેશક”નો પુરસ્કાર અને બીજા પણ ઘણા બધા પુરસ્કાર અને ઇનામો મેળવેલ છે. “તારીઆંખનો અફિણી, મેહંદી તે વાવી માળવે,” જેવા પ્રખ્યાત બનેલા ગીતોનું નિર્દેશન પણ તેઓએ જ કરેલ છે.

Read More
Artists, Classics, Devotional, Garba, Singers

લોકસંગીતનો સ્વર: દમયંતી બરડાઈ (Damyanti Bardai )

ડાયરાની દુનિયાનું ખૂબ જાણિતું અને અનુભવી નામ. મૂળ માંગરોળનાં પણ તેમનો અવાજ સમગ્ર વિશ્વમાં લોકપ્રિય થયો. તેમણે બોલિવુડનાં જાણિતા દિગ્દર્શક સંજય લીલા ભણસાલી અને એવા અન્ય લોકપ્રિય કલાકારો સાથે પણ કામ કર્યું છે. દમયંતી બરડાઈએ ‘પીઠીનો રંગ’, ‘વણઝારી વાવ’, ‘ચુંદડી ઓઢી તારા નામની’, ‘કોણ હલાવે લીમડી’, ‘કેસરિયો રંગ તને લાગ્યો’ જેવા અનેક જાણીતા અને પ્રખ્યાત બનેલા ગીતોને એમણે કંઠ આપ્યો છે. તેમજ ‘હમ દિલ દે ચૂકે સનમ’માં પણ પોતાનો સૂર આપ્યો છે.

દમયંતી બરડાઈને લાઈવ સાંભળવા ક્લિક કરો

Read More
Artists, Lyricists

મૃદુ કવિ: ભાવેશ ભટ્ટ (Bhavesh Bhatt)

૨૫ વર્ષની ઉંમરથી લખવાનું શરૂ કરીને, ૨૦૦૩માં પ્રકાશિત થયેલ ગુજરતી ગઝલ માટે ખૂબ જાણીતા લેખકે  સરળ ભાષામાં વિચારતા કરી દે એવી ગઝલો લખીને ટ્રેડમાર્ક બનાવી દીધો છે. એમની ગઝલો વિષે ટિપ્પણી લખવાની જરૂર ભાગ્યે જ પડે. ભાવેશ ભટ્ટને  ૨૦૧૪માં શયદા પુરસ્કાર, ગુજરાત સમાચાર અને સમન્વય તરફથી રાવજી પટેલ પુરસ્કાર, તે ઉપરાંત કોલકત્તામાં યોજાયેલ ભાષા પરિષદમાં યુવા પુરસ્કાર પ્રાપ્ત થયો છે.

 

Read More
Artists, Composers, Devotional, Singers

ગાયક-સ્વરકાર: આલાપ દેસાઇ (Aalap Desai)

આલાપ દેસાઈ ખૂબ જાણીતા સિંગર અને કંપોઝર છે, તેમણે ખૂબ સુંદર ગઝલોને અદભુત્ત સંગીત આપ્યું છે. ઉપરાંત તબલાવાદક તરીકે પણ ખૂબ ખ્યાતનામ છે.  તેમને ‘રાવજી પટેલ’ યુવા સંગીતકાર એવોર્ડથી સન્માનિત કરવામાં આવ્યા છે.

 

 

Read More
Actors, Artists, Classics

ખૂબ જાણીતા ગાયક: વિનોદ રાઠોડ (Vinod Rathod)

   વિનોદ રાઠોડ એક ભારતીય પ્લેબેક ગાયક છે જે મુખ્યત્વે બોલીવૂડ ફિલ્મોમાં ગાય છે. તેઓ શાસ્ત્રીય સંગીતકારપંડિત ચતુર્ભુજ રાઠોડના પુત્ર છે.  તેમની કારકીર્દિની શરૂઆત એપ્રિલ 1 986 માં કવ્વાલી, “મારા દિલ મેં હૈ અંધેરા,  કોઈ શમ્મા તુ જલા દે” ગાઈ હતી. મોહમ્મદ અઝીઝ તેમના સહગાયક હતા. સંઘર્ષ તબક્કામાં અજય સ્વામી અને સુરિન્દર કોહલી જેવા સંગીતકારો માટે પણ ગાયું હતું.  તેમના ટીવી સીરિયલ શીર્ષક ગીત, “યે જીવન હૈ આકાશ ગંગા”  શ્રેણીના આકાશ ગંગા દર્શકોમાં ખૂબ સફળ સાબિત થયા.  તેમણે મોટા ફિલ્મો લીગમાં પ્રવેશ કર્યો જ્યારે સંગીતકારો શિવ-હરિએ તેમને લતા મંગેશકર અને સુરેશ વાડેકર સાથે ‘બડાલ પી ચાલેકા એ’  રેકોર્ડ કરવા માટે બોલાવ્યા 1989 માં ચાંદનીમાં ફરીથી ઋષિ-યશ-શિવ-હરિ માટે ગાયું હતું. આ ગીતઆશા ભોંસલે સાથે ‘પરબત સે કાલિ ઘાતા તકરી’ પણ લતા મંગેશકર સાથે  ‘શેહરન મેં એક શેહર સુના’ સાથે સફળ રહી હતી.

Read More
Artists, Classics, Lyricists

વરિષ્ઠ સાહિત્યકાર : સ્નેહરશ્મિ (Snehrashmi)

  ઝીણાભાઈ રતનસિંહ સ્નેહરશ્મિ’ કવિવાર્તાકારનવલકથાકારનાટ્યકારચિત્રકાર, આત્મકથાકાર, સંપાદક હતા.  તેમનો જન્મ વલસાડ જિલ્લાના ચીખલીમાં થયો હતો. ૧૯૨૦માં મેટ્રિકનો અભ્યાસ અધૂરો છોડી અસહકારની લડતમાં સામેલ થયા. ૧૯૨૧માં ગુજરાત વિદ્યાપીઠમાંથી વિનીત થયા. ૧૯૨૬માં ત્યાંથી રાજ્યશાસ્ત્ર વિષય સાથે સ્નાતક થયા. ૧૯૨૬-૧૯૨૮ દરમિયાન ત્યાં જ ઇતિહાસ અને રાજ્યશાસ્ત્રના અધ્યાપક બન્યા. ૧૯૩૨-૩૩માં બે -એક વર્ષ જેલવાસ કર્યો. ૧૯૩૪ મુંબઈમાં વિલેપાર્લેની રાષ્ટ્રિય શાળામાં આચાર્ય બન્યા. ૧૯૩૮માં શેઠ ચીમનલાલ નગીનદાસ વિદ્યાવિહાર, અમદાવાદમાં આચાર્ય અને નિયામક બન્યા. તેમને ૧૯૬૧માં ઉત્તમ શિક્ષક તરીકે રાષ્ટ્રપતિ એવોર્ડ પ્રાપ્ત થયો. ત્રણેકવાર ગુજરાત યુનિવર્સિટીના કાર્યકારી કુલપતિ બન્યા. ૧૯૭૨માં મદ્રાસમાં ભરાયેલ ગુજરાતી સાહિત્ય પરિષદના પ્રમુખ બન્યા. ૧૯૬૭નો રણજિતરામ સુવર્ણચંદ્ર્ક તેમજ ૧૯૮૫માં નર્મદચંદ્ર્ક પણ પ્રાપ્ત થયેલ છેગુજરાતી કવિતામાં જાપાનીઝ કાવ્ય હાઈકુના પ્રણેતા હતા. તેઓ પ્રમુખ કવિ, વાર્તાકાર, ચરિત્રકાર છે. સ્વાધીનતા, દેશભક્તિનો સૂર આરંભના કાવ્યોમાં પછી સૌન્દર્યાભિમુખ વલણ પ્રગટ થાય છે. જાપાની કાવ્યપ્રકાર હાઈકુને ગુજરાતીમાં સુપ્રતિષ્ઠિત કરી તેમણે ઐતિહાસિક પ્રદાન કર્યું છે. તેમની વાર્તાઓ વિશેષ રીતે ઉર્મિપ્રધાન અને જીવનમૂલ્યોને લક્ષ્ય કરનારી છે. ત્રણ ભાગમાં વિસ્તરેલી તેમની આત્મકથામાં તત્કાલીન રાજકીય અને સામાજિક પરિસ્થિતિઓનું ચિત્ર ઉપસે છે.

Read More
Actors, Artists

નાટ્યકર્મી : સૌમ્ય જોશી (Saumya Joshi)


સૌમ્ય જોશી  ગુજરાતના પ્રખ્યાત કવિ,  લેખક,  નાટ્યકાર છે. ગુજરાતી રંગભૂમિ ક્ષેત્રે તેઓનું ખૂબ જ નામ છે. તેઓના નાટકોમાં વેલકમ જીંદગી અને 102 નોટ આઉટ ખૂબ વખણાય છે. તેમનું બીજું એક નાટક જેનું નામ ‘આજ જાનેકી ઝિદ ના કરો’નો પણ સમાવેશ થાય છે. તેમના 102 નોટ આઉટ નાટક પરથી તો બોલિવૂડમાં ફિલ્મ પણ બની જેમાં અમિતાભ બચ્ચન અને રિશી કપૂર જેવા દિગ્ગજ કલાકારોએ અભિનય કર્યો છે. ‘ગ્રીન રૂમમા’ સૌમ્ય જોશીની કવિતાઓનો સંગ્રહ છે. 2013 માં ગુજરાતી થિયેટરમાં યોગદાન બદલ ચંદ્રવદન ચિમનલાલ મહેતા એવોર્ડ તેમને એનાયત કરવામાં આવ્યો છે.  તેઓને યુવા ગૌરવ પુરસ્કાર અને તખ્તસિંહ પરમાર પુરસ્કાર પણ એનાયત થયેલ છે.