ગુજરાતી ફિલ્મ ઉદ્યોગ સાથે સંકળાયેલા કેશવ રાઠોડ એક ભારતીય ફિલ્મ દિગ્દર્શક, નિર્માતા અને પટકથાના લેખક છે, જેમ કે એકકો બાદશાહ, સમયચક્ર – ધ ટાઈમ સ્લોટ. તેમણે તેમની કારકિર્દીની શરૂઆત હત્યા ફિલ્મથી કરી હતી. કેશવ રાઠોડે ફિલ્મ ચુંદડીની લાજ સાથે ફિલ્મ નિર્દેશન શરૂ કર્યું. ત્યાર બાદ તેમણે ૨૦૧૮માં “દિલ દોસ્તી લવ ઇન લાઇફ”નું દિગ્દર્શન કર્યું. તે ઉપરાંત “ચાંદો ઉગ્યો ચોકમા, અમર રહે તારો ચાંદલો, “ભાગ્યલક્ષ્મી” જેવી લોકપ્રિય ફિલ્મોમાં પણ કામ કર્યું છે.
વિદ્યા સિન્હા ભારતની એવી અભિનેત્રી છે જેમણે બોલિવુડ ફિલ્મમાં કામ કરેલું છે. ૧૮ વર્ષની ઉંમરમાં મોડેલિંગ અને એક્ટિંગની શરૂઆત કરી હતી. ‘રાજા કાકા’ ફિલ્મમાં સૌ પ્રથમ કામ કરેલું. તે પછી તેમના શિક્ષક બસુ ચેટર્જીની ફિલ્મ ‘રજનીગંધા’માં અભિનય કર્યો હતો. ‘છોટી સી બાત’(૧૯૭૫) અને ‘પતિ-પત્ની ઔર વોહ’(૧૯૭૭) ફિલ્મમાં પણ તેમણે અભિનય કર્યો છે. ૨૦૦૦ની સાલમાં ‘બહુ રાની’, ૨૦૦૪ની સાલમાં ‘કાવ્યાંજલી’ અને ‘હમ દો હૈ ના’ વગેરે જેવી સિરિયલમાં પણ કામ કરેલું છે.
હિન્દી ફિલ્મજગત તેમજ ગુજરાતી ફિલ્મજગતનાં બહુ જાણીતા મનપસંદ ગાયક અને ટેલિવિઝનની દુનિયામાં પણ નિર્ણાયક બનીને પોતાની કારકિર્દી બનાવનાર તેમજ તેમના સુરીલા અવાજ માટે શાન ખૂબ પ્રખ્યાત છે. “બેટર હાફ” જેવી ગુજરાતી ફિલ્મોમાં પોતાનો સૂર આપીને, “મને કોણ આ”, “સંગ સમયની” જેવા અદભુત કર્ણપ્રિય ગીતો આપ્યા છે. તેમણે ગુજરાતી ઉપરાંત બંગાળી, મરાઠી, ઉર્દુ, તેલુગુ, કન્નડ અને અંગ્રેજી ફિલ્મોનાં ગીતોમાં પણ સ્વર આપ્યો છે. તેમને ઘણાં બધા પુરસ્કારો પણ મળેલા છે.
સમીર – માના પતિ પત્નીની આ સંગીત બેલડીએ ઘણી બધી ગુજરાતી ફિલ્મોમાં સંગીત આપ્યું છે. ડોલ્ફિન સ્ટુડિયોના રચયિતા અને તેના માલિક છે. સમીરભાઈના પત્ની પણ તેમની જોડે જ આ માધ્યમમાં છે. તેઓ પ્રખ્યાત ગાયક અને વાદક પણ છે. તેમણે ૨૦૧૮માં મરાઠી ‘આમ્હાલા પણ ગલફ્રેન્ડ આહે’ મૂવીમાં સંગીત આપેલું છે. ઓક્સિજન, તું છે ને!, બલૂન, અરમાન વગેરે મૂવીમાં સંગીત આપ્યું છે. ગુજરાતી વેડીંગ ઇન ગોવા મૂવીનું મ્યુઝિક કમ્પોસ કરેલું. અત્યાર સુધી ૫૦ જેટલી ફિલ્મોમાં કામ કરેલું છે. ગુજરાતી, હિન્દી, મરાઠી ભાષામાં કામ કરેલું છે. તેમણે શોર્ટ ફિલ્મ અને ફીચર ફિલ્મ એમ બંનેમાં સંગીત આપેલું છે.
રીટા ભાદુરી મૂળ ગુજરાતી ન હોવા છતાં ગુજરાતી ફિલ્મ જગતમાં ખૂબ સુંદર અભિનય કરીને ખૂબ પ્રસિદ્ધ બનેલા આ હસ્તીએ ટી.વી. સિરિયલોથી લઈને બોલીવુડ સિનેમામાં પણ બહોળુ યોગદાન આપેલ છે. લગભગ 71 જેટલી ફિલ્મો અને 33થી વધુ સિરિયલોમાં કામ કર્યું છે. તેમના અભિનય માટે તેમને પુરસ્કારો પણ મળેલ છે. તેમણે ‘રૂડો રબારી’, ’સમયની સંતાકૂકડી’, ’કાશીનો દીકરો’ જેવી લોકપ્રિય ફિલ્મોમાં કામ કરેલ છે.
રાસબિહારી દેસાઇ જેઓ સુગમ સંગીતનાં ખૂબ જાણીતા ગાયક અને સંગીત નિર્દેશક છે. તેઓનો ગુજરાતી સંગીતમાં ખૂબ મોટો ફાળો રહ્યો છે. તેમણે ૧૯૬૧માં ‘શ્રુતિ વૃંદ’ની શરૂઆત કરી. તેમને ‘કાશીનો દીકરો’ફિલ્મ માટે શ્રેષ્ઠ સંગીત નિર્દેશકનો પુરસ્કાર મળ્યો હતો. તે ઉપરાંત જીવનસંગિની વિભા દેસાઈ સાથે મળીને ભક્તિગીતો અને અમુક પ્રખ્યાત ભજનો આપ્યા છે. ‘ને તમે યાદ આવ્યાં’ જેવાં મનમોહક ફિલ્મી ગીતો પણ આપ્યા છે.
પાર્થિવ ગોહિલનો જન્મ ગુજરાતના ભાવનગરમાં થયો હતો. તેમની પત્ની માનસી પારેખ પણ તેમની જેમ જ એક સુંદર ગાયિકા છે. તેમણે દુહા – છંદ, ગરબા, ગાયા છે. હિન્દી અને ગુજરાતી બંને ભાષાની ફિલ્મમાં તેમણે ગાયેલું છે. થઈ જશે, કેવી રીતે જઈશ, વેન્ટીલેટર જેવી ગુજરાતી ફિલ્મમાં ગાયું છે.
પાર્થ ઓઝા ખૂબ જાણીતા ગાયક, અભિનેતા અને ડોક્ટર છે. જાહેરાતો, શોર્ટ ફિલ્મો, ડોક્યુમેન્ટરી, આલ્બમો, વગેરેમાં પોતાનો અવાજ આપીને છવાઈ ગયા છે. ૧૨ વર્ષની ઉંમરથી કારકિર્દીની શરૂઆત કરીને ‘હુ તુ તુ તુ’ , ‘પેલા અઢી અક્ષર’, ‘ગુજરાતી વેડિંગ ઈન ગોઆ’, ‘આપણે તો છીએ બિન્દાસ’ વગેરે ફિલ્મોમાં પોતાનો અવાજ આપ્યો છે .
નેહા મેહતા અત્યંત જાણીતા અભિનેત્રી છે. તેમનો જન્મ ભાવનગરમાં થયેલો. તેમની કારર્કિદીના સમય દરમિયાન સૌથી લોકપ્રિય થયેલું પાત્ર તારક મહેતાની સિરિયલમાં અંજલીનું પાત્ર કેહવાય છે. મુંબઇમાં કોલેજના અભ્યાસની સાથે તેઓ સંગીત અને નાટ્ય ક્ષેત્રમાં આગળ વધ્યા… ‘ધામ’ ફિલ્મથી તેમણે અભિનય ક્ષેત્રના માધ્યમમાં શરૂઆત કરેલી. તે પછી ‘બેટર હાફ’ ફિલ્મ કરી. ૨૦૦૧માં ‘ડોલર બહુ’ નામની હિન્દી સિરિયલ અને ૨૦૦૨માં ‘સો દા’ડા સાસુના’ ગુજરાતી સિરિયલમાં અભિનય કર્યો છે.
તેમનું પૂરું નામ નાનજીભાઇ ગિરધરભાઈ મિસ્ત્રી છે. તેઓ સૌરાષ્ટ્રના ભાવનગર જિલ્લાના નારી ગામના વતની હતા. તેથી તેમને સૌરાષ્ટ્રના વિજાનંદ કેહવાતા. તેઓ ઉત્કૃષ્ટ મ્યુઝિશિયન હતા. તેમણે રાંકનું રતન ભાગ – ૧,૨, દીકરી તો પારકી થાપણ ભાગ ૨, મીરાબાઈ ભાગ – ૧, જબરુ જમાનવર ભાગ – ૧, વીર અભિમન્યુ ભાગ – ૧, કુંવર બાઈનું મામેરું ભાગ – ૧ વગેરે જેવા ઉત્તમ આલ્બમમાં મ્યુઝિક ડાયરેક્ટર તરીકે કામ કરેલું છે.