ગુજરાતી ફિલ્મો હંમેશા શ્રેષ્ઠ કલાકારોથી ભરીભરી રહી છે. અભિનય સમ્રાટ ઉપેન્દ્ર ત્રિવેદીથી લઈ સ્મિતા પાટીલ, હિતેન કુમાર, રાજીવ, નરેશ કનોડીયા, સ્નેહલતા, અરુણા ઈરાણી. આરોહી પટેલ, મલ્હાર ઠાકર, પ્રતીક ગાંધી… જેટલાંને યાદ કરીએ એટલા ઓછા. જલસોમાં તમે ગુજરાતી ફિલ્મોના દિગ્ગજ કલાકારોથી લઈ current superstars સુધી દરેકનાં ફિલ્મી ગીતો સાંભળી શકો છો.

Actors, Artists, Classics

પીઢ અભિનેત્રી – પદ્મારાણી : (Padmarani)

પદ્મારાણી એ સ્ટેજ અને નાના તેમજ મોટા પરદા પરના ખૂબ અનુભવી અને પીઢ અભિનેત્રી ગણાતાં. તેઓનો જન્મ પુણેમાં એક મધ્યમ વર્ગના મરાઠી પરિવારમાં થયો હતો અને ઉછેર વડોદરામાં થયો હતો. તેમના પરિવારની નાણાકીય સમસ્યાઓના કારણે, તેઓની બહેન સરિતા જોશી સાથે ઘણી નાની ઉંમરે અભિનય કરવાનું શરૂ કર્યું હતું. તેઓએ ગુજરાતી નાટકો અને ગુજરાતી ફિલ્મોમાં, મોટી સંખ્યામાં પીઢ અભિનેત્રીની ભૂમિકા માટે જાણીતા હતા. કેટલીક બોલિવુડની ફિલ્મોમાં પણ તેઓએ પીઢ અભિનેત્રીનું પાત્ર ભજવેલ છે. તેઓ સ્ટેજ તરફ વધુ પ્રખર હતા અને ઘણા ગુજરાતી નાટકોમાં કામ કર્યું હતું. હકીકતમાં તો પદ્મારાણીએ ફિલ્મોમાં અભિનય કર્યો તે પહેલાં, નાટકોમાં કામ કરવાનું શરૂ કર્યું, અને થિયેટર હંમેશા તેમને પ્રિય રહ્યું છે. તેમણે કુલ ૬,૦૦૦ જેટલાં  નાટકના શો કર્યા છે. તેઓના ખુબ પ્રચલિત નાટકોમાંના નાટકો એટલે – બા રીટાયર્ડ થાય છે, બાએ મારી બાઉન્ડ્રી, કેવડાના ડંખ, સપ્તપદી, ચંદરવો, 5 સ્ટાર આન્ટી, વચન.

Actors, Artists, Classics

ખૂબ જાણીતા કલાકાર – જયશ્રી ટી. : (Jayshree T.)

જયશ્રી ટી. ખૂબ જ જાણીતા કલાકાર.. તેમનો જન્મ 1953માં થયો હતો. તેઓ actressની સાથે સાથે ખૂબ સારા ડાન્સર પણ છે. તેમણે પોતાની કારકિર્દીની શરૂઆત 5 વર્ષના હતા ત્યારથી જ કરી દીધી હતી. મૂળ મરાઠી હોવા છત્તા તેમણે ઘણી બોલિવૂડ અને ગુજરાતી ફિલ્મ્સ કરી છે. શરૂઆતના સમયમાં તેમના ડાન્સ કથ્થક માટે ખૂબ જાણીતા હતા, એટલે જ ઘણી બધી ફિલ્મ્સમાં તો માત્ર તેમની પાસે ડાન્સ કરાવવામાં જ આવતા. તેમની જાણીતી ફિલ્મ્સમાં ચલતે ચલતે, હમ સાથ સાથ હે નો સમાવેશ થાય છે તે ઉપરાંત તેમણે ઘણી મલયાલમ ફિલ્મ્સ પણ કરી છે. તેમની ગુજરાતી ફિલ્મ્સના લિસ્ટમાં ‘ગોરલ ગરાસણી’, ‘આનંદ મંગલ’, ‘ઓઢું તો ઓઢું તારી ચુંદડી’, ‘ભાઈબંધી’, ઘૂંઘટ’, ‘હોથલ પદમણી’ જેવી બીજી અનેક મૂકી શકાય.

Actors, Artists

versatile અભિનેતા – ધર્મેન્દ્ર ગોહિલ : (Dharmendra Gohil)

ધર્મેન્દ્ર ગોહિલ એ ગુજરાતી, હિન્દી અને મરાઠી ભાષાઓમાં અભિનય ક્ષેત્રે પોતાની ક્ષમતા લોકોને સમક્ષ દર્શાવી ચૂક્યા છે. તેઓ પોતે ગુજરાતી નાટ્યક્ષેત્રમાં ઘણા નાટકો કરી ચૂક્યા છે, જેમાં તેમનું મરીઝ નાટક ખૂબ જ જાણીતું બન્યું છે. તેમાં તેઓ ગુજરાતી સાહિત્યના શ્રેષ્ઠ ગઝલકાર મરીઝનું પાત્ર ભજવે છે. એ સિવાય બીજું એમનું પોપ્યુલર નાટક જેના ખૂબ શૉઝ થઇ રહ્યા છે એ ‘વેઇટિંગ રૂમ’. તે ઉપરાંત તેઓએ ગુજરાતી ફિલ્મ્સ, મરાઠી ફિલ્મ્સ અને ઘણી બધી શોર્ટ ફિલ્મ્સ પણ કરી છે. તેઓ પ્રોડ્યુસર તરીકે પણ એક્ટિવ છે. તેમની જાણીતી ફિલ્મ્સમાં ‘ચલ મન જીતવા જઈએ’, ‘બેક બેન્ચર’, ‘બેટર હાફ’, ‘અનુરાગ'(મરાઠી)નો સમાવેશ થાય છે.

Actors, Artists, Classics

ખડખડાટ હસાવતો કલાકાર – પી. ખરસાણી – (P. Kharsani)

19th June 1926ના રોજ જન્મેલા પ્રાણલાલ ખરસાણી તેમનાં લોકપ્રિય નાટકો અને ફિલ્મોને કારણે પી. ખરસાણી તરીકે વધુ જાણિતા છે. તેમણે ઘણાં પાત્રો નાટકનાં તખ્તા ઉપર જીવંત કર્યા; જો કે તેઓ તેમનાં comic roles માટે વધુ જાણિતા છે. 1958થી 2008 સુધી તેઓ ફિલ્મ અને નાટ્ય જગત સાથે સંકળાયેલા રહ્યાં. 75થી વધુ નાટકો અને ફિલ્મોમાં તેઓ કામ કરી ચૂક્યા છે. મુંબઈ ખાતે સળંગ 3 વર્ષ સુધી (1955-1957) તેમને શ્રેષ્ઠ અભિનેતાનો એવોર્ડ, 1989માં ગુજરાત ગૌરવ પુરસ્કાર, 1996માં પં. ઓમકારનાથ ઠાકુર એવોર્ડ, 1997માં Gujarat Film Development Corporation તરફથી એવોર્ડ અને 2016માં નટરાજ એવોર્ડથી નવાજવામાં આવ્યા છે. તેમણે ‘નારી તું નારાયણી’, ‘લાખો ફુલાણી’, ‘ભાથીજી મહારાજ’, ‘ભવની ભવાઈ’, ‘મેનાં ગુર્જરી’, ‘નસીબની બલિહારી’ જેવી ફિલ્મોમાં કામ કર્યું છે અને લોકપ્રિય નાટકો જેવા કે ‘મળેલા જીવ’, ‘પડદા પાછળ’, ‘માફ કરજો, આ નાટક નહિ થાય’, ‘રાજાને ગમે તે રાણી’ છે.

Actors, Artists, Classics

દર્શકોને હંમેશા હસાવનાર – દિનેશ હિન્ગૂ – (Dinesh Hingoo)

300થી વધુ ફિલ્મોમાં અભિનય કરી ચૂકેલા સ્વ. દિનેશ હિન્ગૂની કારકિર્દી 1967 – 2013ની રહી. પોતાનાં કોમેડી અભિનય માટે જાણિતા આ કલાકાર ગુજરાતી ફિલ્મોમાં પણ પોતાનું પ્રદાન આપી ચૂક્યા છે. ‘કાચી માટીનાં કોડિયાં’, ‘વિસામો’, ‘કરિયાવર’, ‘માં-દીકરી’ તેમની નોંધપાત્ર ગુજરાતી ફિલ્મો છે.

Actors, Artists, Classics

ગુજરાતી ફિલ્મોનું અણનમ નામ – ફિરોઝ ઈરાણી – (Firoz Irani)

Actor, Director, Writer અને Producer એવા ફિરોઝ ઈરાણીનો જન્મ ગુજરાતમાં જ થયો. સાથે ચાર ભાઈ-બહેનો પણ. ઈન્દ્ર કુમાર, અરુણા ઈરાણી, આદી ઈરાણી, કુકુ કોહલી; જેમણે પોતપોતાની રીતે ભારતીય ફિલ્મ જગતને સર કર્યું છે તે પરિવારમાંથી ફિરોઝ ઈરાણી આવે છે. 1970થી કાર્યરત ફિરોઝ ઈરાણી ગુજરાતી ફિલ્મોનાં સુવર્ણ સમયમાં ‘મૂળુ માણેક, એલબેલી નાર, ધરતીનાં અમી, દીયર વટુ, મેરુ માલણ, અભાન લક્ષ્મી જેવી ફિલ્મોમાં કામ કર્યું તેમજ સમકાલીન ગુજરાતી ફિલ્મોમાં પણ તેમની પ્રતિભા શોભાવી રહ્યા છે. આ બધી જ ફિલ્મોનાં ગીતો Jalso applicationમાં ઉપલબ્ધ છે.

Actors, Artists, Classics

પ્રખ્યાત અભિનેતા – અરવિંદ ત્રિવેદી : (Arvind Trivedi)

અરવિંદ ત્રિવેદીનો જન્મ 8 નવેમ્બર 1938માં ઇન્દોરમાં થયો હતો. અરવિંદ ત્રિવેદી રામાનંદ સાગરની રામાયણમાં ‘રાવણ’ના પાત્ર માટે સૌથી વધારે જાણીતા છે. તેમણે તેમની અભિનયની 40 વર્ષની કરિયરમાં 250થી પણ વધુ ગુજરાતી અને હિન્દી ફિલ્મ્સમાં કામ કર્યું છે. તેમની ગુજરાતી ખૂબ જાણીતી ફિલ્મ્સમાં ‘દેશ રે જોયા દાદા પરદેશ જોયા’, ‘જેસલ તોરલ’, ‘મણિયારો’, ‘ઢોલી’ વગેરે વગેરે ફિલ્મ્સનો સમાવેશ થાય છે. તેઓના મોટાભાઈ ‘ઉપેન્દ્ર ત્રિવેદી’ પણ નટ સમ્રાટ તરીકે જાણીતા થયા હતા.

Actors, Artists, Classics

ગુજરાતી – હિન્દી કલાકાર : અરવિંદ કિરાડ (Arvind Kirad)

અરવિંદ કિરાડ એ પણ હિન્દી સિનેમાની સાથે સાથે ગુજરાતી સિનેમામાં પણ પોતાના અભિનયના પરચા પાડ્યા છે. તેમણે તેમની કરિયરમાં ઘણા બધા જાણીતા કલાકારોની સાથે કામ કર્યું છે જેમાં કાજોલ, જૅકી શ્રોફ, ફિરોઝ ઈરાની, આયેશા ઝુલ્કા, અરુણા ઈરાની, કુલભૂષણ ખરબંદા, પ્રેમ ચોપરા, રાજની બાલા, હસમુખ ભાવસાર, રીટા ભાદુરી જેવા ખૂબ જ પોપ્યુલર કલાકારોનો સમાવેશ થાય છે. તેમની જાણીતી ફિલ્મમાં ખાસ તો ‘હોતે હોતે પ્યાર હો ગયા’નો સમાવેશ થાય છે.

Actors, Artists, Classics

સ્ટેજનું ખૂબ જાણીતું વ્યક્તિત્વ – અરવિંદ જોશી : (Arvind Joshi)

અરવિંદ જોશી એ ગુજરાતી નાટક જગત અને સિને જગતનું ખૂબ જ જાણીતું અને માનીતું નામ છે. તેઓ પ્રખર નાટ્યકાર પ્રવીણ જોશીના ભાઈ હતા. આમ તો એમની ઓળખાણ આ નથી છત્તા તેમના સંતાન શરમન જોશી અને માનસી જોશી છે, જેઓ પોતે પણ ખૂબ સારા સ્ટેજ આર્ટિસ્ટ્સ છે, તેઓ પણ તેમની અભિનયની શરૂઆત તેમના પિતા અરવિંદ જોશી અને પ્રવીણ જોશીની સાથે જ કરી હતી. અરવિંદ જોશી ઘણા બધા લોકોના મેન્ટોર પણ રહી ચુક્યા છે.

NIsarg Trivedi Image
Read More
Actors, Artists

નિસર્ગ ત્રિવેદી (Nisarg Trivedi)

નિસર્ગ ત્રિવેદી એટલે ગુજરાતનું ખૂબ જાણીતું નામ, અભિનેતા, મ્યુઝિક કમ્પોઝર અને ગાયક એવા નિસર્ગ ત્રિવેદી, જે મુખ્યત્વે ગુજરાતી ફિલ્મ ઉદ્યોગમાં કામ કરે છે. હા હું દીકરીનો બાપ (2013), વ્હિસ્કી ઇઝ રિસ્કી (2014), અને કમિટમેન્ટ (2016) જેવી ફિલ્મોમાં સહાયક ભૂમિકાઓમાં નિસર્ગ ત્રિવેદીએ પોતાનું યોગદાન આપ્યું હતું। 2016 માં, તેમણે છોકરી વિનાનું ગામ ફિલ્મ માટે સંગીત કંપોઝ કર્યું હતું અને એજ મૂવીમાં એક ગીત પણ ગાયું હતું. તેમની 2017 માં રિલીઝ થયેલી ફિલ્મમાં દુનિયાદારી અને સમીરનો સમાવેષ થાય છે. 2019ની વાત કરીએ તો ફેબ્રુઆરીમાં જ રિલીઝ થયેલઅને શૈલેષ પ્રજાપતિ દ્વારા દિગ્દર્શિત ફિલ્મ સાહેબમાં પણ ખૂબ અદઅદ્ભૂત ભૂમિકામાં જોવા મળ્યા હતા.

12