આહા! ગુજરાતી ફિલ્મોનો એ સુવર્ણ દોર યાદ કરો જ્યારે મુકેશ, લતા મંગેશકર, મહેન્દ્ર કપૂર, આશા ભોંસલે, કિશોર કુમાર, ઉષા મંગેશકર જેવા ગાયકો-કલાકારો કામ કરવા ઉત્સુક રહેતા. એમનાં શ્રેષ્ઠ ગુજરાતી ગીતો હવે સાંભળો જલસો પર

usha-mangeskar-image
Read More
Artists, Classics, Garba, Singers

સુપરહિટ – ઉષા મંગેશકર : (Usha Mangeshkar)

ઉષા મંગેશકર એ ભારતીય ગાયક છે, તેમણે એક ગાયક તરીકે હિન્દી, બંગાળી, મરાઠી, કન્નડ, નેપાળી, ભોજપુરી, આસામી અને ગુજરાતી ભાષાઓમાં ગીતો રેકોર્ડ કર્યાં છે. તેણીની પંડિત દીનાનાથ મંગેશકરના સુપુત્રી છે અને લતા મંગેશકર ને આશા ભોંસલેની નાના બહેન છે. તેઓ પણ નાનપણથી સંગીતના માહોલમાં રહેતા આવ્યા છે માટે તેમને પણ સંગીત માટે એટલી જ રૂચિ રહી છે, બાકી શરૂઆતમાં તો તેમને પેઇન્ટિંગમાં ખૂબ રસ હતો. તેઓ તેમના ગીત મુંગલાથી વધારે પોપ્યુલર બન્યા હતા. ઉષાજીના અવાજમાં કેટલાંય એવા ગુજરાતી ગીતો પણ જાણીતા થયા છે જેમાં, આભમાં ઝીણી ઝબૂકે વીજળી, આજ દીકરી જાય સાસરે, આજ માતાજી આવ્યા મારે આંગણે, અલક મલક ઝાંઝર મલક, ચાંદો ઉગ્યો ચોકમાં, ઢોલીડા રે, એક વણઝારી ઝૂલણ, જમનાજીના આરે અને એવા તો અનેકો નેક ગુજરાતી ગીતો ઉષા મંગેશકરના નામે બોલે છે.

Read More
Artists, Classics, Composers, Light Vocal, Singers

સુગમ સ્વરકાર – ઉદય મઝુમદાર : (Uday Mazumdar)

ઉદય મઝુમદાર એ સ્વરકાર અને ગાયક છે. તેઓ નીનુ મઝુમદાર અને કૌમુદી મુનશીના સુપુત્ર છે, એતો એક સામાન્ય ઓળખાણ એટલા માટે કારણકે ઉદય ભાઈએ પહેલેથી જ પોતાના ઘરમાં એક સંગીતમય વાતાવરણ જ જોયું છે. ઉદયભાઈ ઘણી હિન્દી ધારાવાહિક, ગુજરાતી હિન્દી નાટકો, ફિલ્મ્સ માટે પોતાનું સંગીત આપી ચુક્યા છે. ગુજરાતી સુગમ સંગીતમાં તેમનું ખાસ્સું મોટું યોગદાન રહ્યું છે કારણકે તેમણે પોતાના નવા સ્વરાંકનો તો આપ્યા જ છે પણ તેઓ તેમના પિતા નીનુ મઝુમદારના સ્વરાંકનો પણ અનેક સ્ટેજ શૉઝમાં ગાતા આવ્યા છે. ઉદયભાઈના જાણીતા ગીતો અને સ્વરાંકનોમાં આ મન પાંચમના મેળામાં, કોઈ આઘે આઘેથી વેણુ વાય છે, આ રંગભીના ભમરાને, અલ્લક મલ્લક, લેવા ગયો જો પ્રેમ, મારા સાયબાની પાઘડીયે, રક્ષા કરો જગદંબા ભવાની જેવા ગીતોનો સમાવેશ થાય છે. ઉદયભાઈ જલસોના ખૂબ પોપ્યુલર કાર્યક્રમ જલસો લાઈવ જેમિંગમાં આવી ચુક્યા છે, તે એપિસોડના ગીતો જલસો એપમાં સમાવેલ છે.

SUMAN-KALYAANPUR
Read More
Artists, Classics, Singers

લોકપ્રિય ગાયિકા – સુમન કલ્યાણપુર : (Suman Kalyanpur)

સુમન કલ્યાણપુરનો જન્મ ૨૮ જાન્યુઆરી, ૧૯૩૭ના રોજ ઢાકા ખાતે થયો હતો. તેણી એક પ્રતિષ્ઠિત ભારતીય ગાયિકા છે. વર્ષ ૧૯૪૩માં તેમનું કુટુંબ મુંબઇ ખાતે રહેવા આવ્યું, જ્યાં તેમને સંગીતની તાલીમ પ્રાપ્ત થઈ. સુમન કલ્યાણપુર હંમેશા ચિત્રકલા અને સંગીતમાં રસ લેતા હતાં. તેણીએ શાસ્ત્રીય ગાયકનું શિક્ષણ પુણેના પ્રભાત ફિલ્મના સંગીત દિગ્દર્શક અને કુટુંબના અંગત મિત્ર એવા ‘પંડિત કેશવ રાવ ભોલે’ પાસે શીખવા શરૂ કર્યું હતું. શરૂઆતમાં તેણી માત્ર શોખ માટે ગાતા હતા. પરંતુ ધીમે ધીમે સંગીતમાં તેણીને રસ પડવા લાગ્યો અને તેણીએ વ્યવસાયિક ધોરણે ‘ઉસ્તાદ ખાન અબ્દુલ રહેમાન ખાન’ અને ‘ગુરુજી માસ્ટર નવરંગ’ પાસે શીખવાનું શરૂ કર્યું હતું. ત્યારબાદ તો ઓલ ઇન્ડિયા રેડિયોના કાર્યક્રમોથી માંડીને ફિલ્મ્સમાં પ્લેબેક સિંગર તરીકે, સ્ટેજ શૉઝ માટે કે બીજા અનેક કાર્યક્રમોમાં તેમણે પોતાની પ્રતિભા દેખાડી જ છે. તેમણે ૭૪૦ ફિલ્મી અને ગેર-ફિલ્મી ગીતો ગાયાં છે. તેમણે ૧૯૬૦ના દાયકામાં મહંમદ રફી સાથે ૧૪૦ યુગલ ગીતો ગાયાં છે. તેમણે હિન્દી ઉપરાંત મરાઠી, આસામી, કન્નડ, ભોજપુરી, રાજસ્થાની, બંગાળી, અંગ્રેજી પંજાબી અને ગુજરાતી જેવી ઘણી ભાષાઓનાં ચલચિત્રો માટે ગીતો ગાયાં છે. તેમના અવાજમાં ખૂબ પોપ્યુલર બનેલા ગુજરાતી ગીતો એટલે.. ઝૂલણ મોરલી વાગી, વા વાયા ને વાદળ, તારી સાંવરી સુરત પર, સોળે શણગાર સજી, રાતી રાતી પારેવાની આંખડી, પાણી ગયા’તા રે, નાગર નંદજીના લાલ અને બીજા તો ઘણા બધા. જે લગભગ બધા જ જલસો એપ્લિકેશન પર ઉપલબ્ધ છે.

Read More
Artists, Classics, Composers, Gazal, Singers

સ્વરકાર, ગાયક – પુરુષોત્તમ ઉપાધ્યાય : (Purushottam Upadhyay)

સ્વરકાર શ્રી પુરુષોત્તમ ઉપાધ્યાય એક એવું વ્યક્તિત્વ છે કે જેમના સ્વરાંકનો ગાઈ ગાઈને લોકોએ પોતાની એક ગાયક તરીકેની ઓળખ ઉભી કરી શક્યા છે. તેમના સ્વરાંકનો ખૂબ જ સુંદર હોય છે. તેઓ ગાયક પણ એટલા જ ઉત્તમ છે, તેમના ઘેઘૂર અવાજમાં અમુક ગઝલ સાંભળવી એતો સુકુન આપે એવી વાત છે. હાલના ઘણા ગુજરાતી ગાયકો તો એમના પાસેથી ગીતો શીખ્યા છે અને એમના જ સ્વરાંકનો ગાતા હોય છે. તેમના જાણીતા સ્વરાંકનોમાં આ શું પ્રગટ્યું છે મારામાં, આભને ઘડૂલે, અચકો મચકો, અમથી અમથી, અમે એવા છીએ, બસ એટલી સમજ મને, ધેનુકાની આંખોમાં.. જેવા અનેક સ્વરાંકનો એમના નામે બોલે છે જે બધા જ એક એકથી ચડિયાતા છે. મૂળે પુરુષોત્તમ ભાઈ સુગમ સંગીત અને કાવ્ય સંગીતને ચાહનાર અને માણનાર છે. તેમની 2 દીકરીઓ વિરાજ-બીજલ પણ આ જ ક્ષેત્રમાં છેલ્લા 20 વર્ષોથી ગુજરાતી સંગીતને પ્રસ્તુત કરતા આવ્યા છે. ખુદ પુરુષોત્તમ ભાઈ પણ છેલ્લા 4-5 દાયકાઓથી ગુજરાતી સંગીતને દેશ વિદેશમાં પ્રસ્તુત કરતા આવ્યા છે.

Read More
Artists, Classics, Devotional, Folk, Garba, Singers

લોક સંગીતનું પોપ્યુલર નામ – પ્રફુલ્લ દવે : (Prafull Dave)

પ્રફુલ દવે એ ગુજરાતી લોક સંગીતનું ખાસ્સું જાણીતું નામ છે. પહેલાની જે ગામઠી બૅકડ્રોપ પર ગુજરાતી ફિલ્મ્સ તૈયાર થતી હતી તેમાં ઘણા બધા સિંગર્સ અને કોમ્પોઝર્સ સાથે ખૂબ ગુજરાતી ગીતો ગાયા છે, જેમાંના ઘણા બધા તો આજે લોક સંગીતમાં જ ગણાય છે. તેમના પોપ્યુલર ગીતોમાં આંઠ કુવા ને નવ પાવલા, આપણા મલકના માયાળુ માનવી, અદલ સોનારણ બાદલ સોનારણ, અમે મહિયારા રે, ચાંદો ઉગ્યો ચોકમાં, ઢોલી ઢોલ રે વગાડ જેવા અને આવા તો બીજા અનેક ગીતોથી પ્રફુલ ભાઈ જ યાદ આવે. પ્રફુલભાઈની ગાયનની કારકિર્દી લગભગ 4 એક દાયકાથી પણ વધુ હશે. અને આ ગાળામાં તેમણે લગભગ બધા જ જાણીતા અજાણ્યા લોકો સાથે સંગત કરીને ગીતો ગાયાં છે જેમાં અવિનાશ વ્યાસ, મીના પટેલ, દમયંતી બરડાઈ, ઉષા મંગેશકર, અનુરાધા પોડવાલ, ગૌરાંગ વ્યાસ, આરતી મુખર્જી, અલ્કા યાજ્ઞિક, માધવી પંડ્યા, આશા ભોંસલે, હર્ષદા રાવલ, દિવાળીબેન ભીલ જેવા અનેક લોકો સાથે તેમણે ગીતો ગાયાં છે.

 

Read More
Artists, Classics, Singers

પ્રભાવશાળી ગાયક – મોહમ્મદ રફી : Mohammed Rafi

મોહમ્મદ રફીનો જન્મ 24 ડિસેમ્બર 1924માં થયો હતો. તેમણે 5 રાષ્ટ્રીય પુરસ્કાર અને 6 ફિલ્મફેર પુરસ્કાર જીત્યા હતા. 1967માં ભારત સરકાર દ્વારા તેમને પદ્મશ્રીથી નવાજવામાં આવ્યા હતા. તેમણે 26,000થી વધુ ફિલ્મી ગીતો ગાયા હતા. તેમના ગીતોમાં શાસ્ત્રીય ગીતોથી માંડીને ભક્તિગીતો, વીરશ્રૃંગારરસ, કવ્વાલીઓથી માંડીને ગઝલો, અને ભજનો તેમજ ધીમી ગતિની ધૂનો અને મસ્તીભર્યા ગીતો સામેલ હતા. હિન્દી અને ઉર્દુ પર તેમની મજબૂત પકડ હતી અને પ્રભાવશાળી ક્ષમતા હતી છત્તા તેમણે ગુજરાતી ગીતો પણ એટલી જ સુંદર રીતે ગાયા છે અને ગુજરાતી પ્રજાને તેમના અવાજમાં ગઝલ સાંભળાવાની મજા પડે છે. તેમણે ઘણી ભારતીય ભાષાઓ જેવી કે હિન્દી, કોકંણી, ઉર્દૂ, ભોજપુરી, ઉડિયા, પંજાબી, બંગાળી, મરાઠી, સિંધી, કન્નડ, તેલુગુ, મઘી, મૈથિલી, આસામી અને ગુજરાતી જેવી ભાષાઓમાં ગીતો ગાયા હતા. તેમણે કેટલાક અંગ્રેજી, પર્શિયન, સ્પેનિશ અને ડચ ગીતો પણ રેકોર્ડ કર્યા હતા. આમ બધી જ ભાષાઓમાં ગીતો ગાઈને તેમણે પોતાના ઘેઘૂર અવાજની સુંદર છાપ છોડી છે. તેમના અવાજમાં પોપ્યુલર થયેલા ગુજરાતી ગીતોમાં દિવસો જુદાઈના જાય છે…, કહું છું જવાનીને.., નયન ચકચૂર છે…, વિધિએ લખેલી વાત…, નજર તમારી…, દેવોમાં તું મહાદેવ.. જેવા અદભુત્ત ગીતોનો સમાવેશ થાય છે.

Read More
Artists, Classics, Devotional, Singers

સુપ્રસિદ્ધ ગાયિકા – લતા મંગેશકર : Lata Mangeshkar

ભારત રત્ન લતા મંગેશકરનો જન્મ સપ્ટેમ્બર ૨૮, ૧૯૨૯ ઇંદોરમાં થયો હતો. ભારતની સૌથી ખ્યાતનામ ગાયિકા છે. તેમની ગાયનની કારકીર્દી સતત છ દાયકા સુધી ચાલી છે. આમ તો તેઓ હિન્દી અથવા એમ કહો કે બોલિવૂડની ઘણી બધી ફિલ્મ્સના ગીતોનો એકમાત્ર અવાજ તરીકે પણ જાણીતા હતા એમ કહીએ તો એ ઓછું નથી. તેઓને તેમની ખ્યાતિ હિન્દી પાર્શ્વ ગાયિકા તરીકે મળી. પોતાની બહેન આશા ભોંસલે સાથે તેઓનું પ્રદાન હિન્દી ફિલ્મ સંગીતમાં સૌથી મોટું ગણાય છે. લોકો તેમને લતાદીદીના નામે ઓળખે છે અને એમના કંઠે ઘણાં બધા ગુજરાતી ગીતો પણ પોપ્યુલર થયા છે. જેવાં કે, માને તો મનાવી લેજો રે, ઓધાજી રે મારા વાલાને વઢીને કેજોરે …, દીકરી તો પારકી થાપણ કહેવાય …, વૈષ્ણવ જનતો …, હે કાનુડા તોરી ગોવાલણ …, જેવા લોકપ્રીય ગીતો, ગરબા, ભજનો, પ્રભાતિયાનો સમાવેશ થાય છે.

iHerb discount codes and also voucher codes from https://herbcoupon.net/ are the most effective method to obtain price cuts as well as the best offers on supplements, herbs, bath items, house items, as well as various other natural items from the iHerb shop. Discover the most effective coupon codes and promo code codes for iHerb at and start saving cash right now. To conserve even more money on iHerb products, be sure to enlist in the iHerb awards program and commitment program.

Artists, Classics, Devotional, Folk, Singers

લોક સંગીતનો અવાજ – ઇસ્માઇલ વાલેરા : (Ismail Valera)

એક સમયનો એવો જાણ્યો અજાણ્યો લોક સંગીત કે ભજનનો અવાજ કે જે સારેગામાની મોટી ડિસ્કમાં જ સચવાયેલો અથવા સાંભળવા મળતો, ઇસ્માઇલ વાલેરા પોતે માત્ર ગાયક જ નહિ પણ સ્વરકાર પણ હતા. તેમના અવાજમાં રેકોર્ડ થયેલા ગીતો પાપ તારું, ઓધાજી મારા વ્હાલાને, નટવર નાનો રે, કાનુડો શું જાણે મારી પ્રીત, કાળજા કેરો કટકો મારો જેવા ઘણા પ્રખ્યાત થયા છે. અને આ બધા જ ગીતો જલસો એપ્લિકેશનમાં ઉપલબ્ધ છે.

Read More
Artists, Classics, Garba, Singers

શાસ્ત્રીય ગાયક – હર્ષદા રાવલ : (Harshada Rawal)

હર્ષદા રાવલ એ સમયના સિંગર છે જયારે સુગમ સંગીત કે કાવ્ય સંગીત મોટાભાગે વૃંદમાં તૈયાર થતા અને તેઓ એ વૃંદના પણ મુખ્ય ગાયક તરીકે રહેતા. તેમણે ઘણાં બધા સ્વરકારો સાથે કામ કર્યું છે, જેમાં ક્ષેમુ દિવેટિયા, અવિનાશ વ્યાસ, ગૌરાંગ વ્યાસ જેવા દિગ્ગજ સ્વરકારોનો સમાવેશ થાય છે. તેમના કેટલાંક જાણીતા ગીતોમાં ગોરમાને પાંચે આંગળીયે, ઘોર અંધારી રે, દાદા હો દીકરી, હજુ રસભર, કેવાં  રે મળેલા મનના મેળ જેવાં અને આવાં તો અનેક ગીતો જયારે આજે પણ ગણગણતા આપણને હર્ષદા રાવલ જ

The beauty of this shopping occasion is that you can access Black Friday 2019 ad scans before the special day, which will assist you discover the very best discount rates, free-shipping offers or gift-with-purchase promotions that will be provided http://chernaya-pyatnica.co.ua/. If you have absolutely no concept what to get your friends and family, now is the time to do research study– not throughout the stress of Black Friday. Bookmark the products so you can quickly include them to your shopping cart when the time comes. Your kids have most likely currently informed you what they want and your significant other has probably made it obvious what they’re wishing to receive, so acquaint yourself with all the pre-Black Friday information to get the best costs and Money Back on every purchase.

યાદ આવે. શાસ્ત્રીય સંગીતમાં ગણાતા ઘણા જૂના classical ગીતોને એમણે અવાજ આપ્યો છે.

Artists, Classics, Film Music, Singers

પ્લેબેક સિંગર – દિપાલી સોમૈયા : (Dipalee Somaiya)

દીપાલી સોમૈયા એ ખૂબ સારા ગાયક છે. તેઓએ ટેલિવિઝનની શરૂઆતની કોમ્પિટિશનના પ્રોગ્રામમાં એક કન્ટેસ્ટન્ટ તરીકે ભાગ લીધો હતો. અને તેમાં તેઓ ટોપ 5માં પણ આવ્યા હતા. તેઓએ ખૂબ જ ગુજરાતી ગીતો માટે પોતાનો કંઠ આપ્યો છે. તેમણે 200થી વધારે ગુજરાતી અને હિન્દી ફિલ્મ્સ માટે પ્લેબેક સિંગર તરીકે કામ કર્યું છે. તે ઉપરાંત તેઓ સતત સ્ટેજ શૉઝ કરતા આવ્યા છે, હાલ મુંબઈમાં વસે છે અને તેઓ અને તેમના હસબન્ડ સમીર ડાટે સાથે મળીને સિંગીંગના પ્રોગ્રામ્સ કરતા રહે છે. દીપાલી સોમૈયાને 4 વખત ગુજરાત સરકાર તરફથી બેસ્ટ પ્લેબેક સિંગરના પુરસ્કાર મળેલ છે.