Gujarati Songs

Maro Saybo – by Tushar Shukla

મોટાભાગની પત્ની કે પ્રેમિકા એવી ફરિયાદ કરતી સંભળાતી હોય છે કે એમના સાયબા મન મૂકીને વાત તો કદી કરતા જ નથી.ઘરે આવે તો ચુપચાપ જમીને,ટીવીમાં થોડા સમાચારને જોઈને સુઈ જાય છે.ચોમાસું તો જેમ ગુજરાતમાં આવે એમ એમની વાતોમાં આવે કોઈકવાર જ પણ જયારે આવે ત્યારે અનરાધાર વરસે.આવા જ સાયબાઓને એક સરસ ગીત છે મારો સાહ્યબો અષાઢીલો મેઘ છે સખી,એને વરસંતા લાગે છે વાર…પણ, વરસે ત્યારે અનરાધાર! આ મોસમ જેવા જ સાયબા કે જેની માટે બસ ફરિયાદો જ કરી એને સરાહવાની વાત છે આ ગીત છે.કોઈના પણ મનનાં તાર છંછેડી દે અને જે સાયબો અત્યારે ઓફિસ કે પોતાની કામની જગ્યાએ વ્યસ્ત હોય એની પાસે દોડી જવા પ્રેરી શકે એવું વરસાદી પ્રણયગીત..

મારો સાહ્યબો અષાઢીલો મેઘ છે સખી,

એને વરસંતા લાગે છે વાર…

પણ, વરસે ત્યારે અનરાધાર… !

મળવા આવે ત્યારે બોલે ના કાંઇ

એના શ્વાસોમાં વાગે શરણાઇ

આઘે રહીને વ્હાલ વરસાવે વ્હાલમા

લાગે કે નખશિખ ભીંજાઇ

મારો પીયુજી હૈયાનો હાર,

એને વરસંતા લાગે છો વાર…

પણ, વરસે ત્યારે અનરાધાર… !

મારો સાહ્યબો અષાઢીલો મેઘ…

ઉપરથી લાગે છે કોરોધાકોર

એની ભીતર ઘેરાતું આકાશ

આષાઢી અણસારો ઓળખતા આવડે તો

ચોમાસુ છલકે ચોપાસ

ગમે એના વિના ના લગાર

એને વરસંતા લાગે છો વાર…

પણ, વરસે ત્યારે અનરાધાર… !

મારો સાહ્યબો અષાઢીલો મેઘ…

એને વરસંતા લાગે છો વાર

 

તુષાર શુક્લને પ્રેમકવિ કહીને નવાઝવામાં આવ્યા છે અને આ ગીત વાંચીને સમજાઈ જ જાય કે કેમ કહયા છે. એમની કેટલીય પ્રસિદ્ધ કવિતાઓનાં સ્વરાંકન લોકપ્રિય છે.એમના ગીતો કેટલાય જવાન હૈયાને પ્રેમ કરતા શીખવાડી દે છે જો તમારે પણ આ ગીત સાંભળવું હોય તો જલસોમાં સાંભળી શકો છો..

આ ગીત સાંભળવા માટે જલસો એપમાં  ‘Mayo Saybo’ search કરશો એટલે મળી જશે.

Enjoy

સ્વરાંકન – આલાપ દેસાઈ

સ્વર – ઐશ્વર્યા મજમુદાર

Related Posts

Leave a Reply

Your email address will not be published. Required fields are marked *