18 Mar
Actors, Artists

versatile અભિનેતા – ધર્મેન્દ્ર ગોહિલ : (Dharmendra Gohil)

ધર્મેન્દ્ર ગોહિલ એ ગુજરાતી, હિન્દી અને મરાઠી ભાષાઓમાં અભિનય ક્ષેત્રે પોતાની ક્ષમતા લોકોને સમક્ષ દર્શાવી ચૂક્યા છે. તેઓ પોતે ગુજરાતી નાટ્યક્ષેત્રમાં ઘણા નાટકો કરી ચૂક્યા છે, જેમાં તેમનું મરીઝ નાટક ખૂબ જ જાણીતું બન્યું છે. તેમાં તેઓ ગુજરાતી સાહિત્યના શ્રેષ્ઠ ગઝલકાર મરીઝનું પાત્ર ભજવે છે. એ સિવાય બીજું એમનું પોપ્યુલર નાટક જેના ખૂબ શૉઝ થઇ રહ્યા છે એ ‘વેઇટિંગ રૂમ’. તે ઉપરાંત તેઓએ ગુજરાતી ફિલ્મ્સ, મરાઠી ફિલ્મ્સ અને ઘણી બધી શોર્ટ ફિલ્મ્સ પણ કરી છે. તેઓ પ્રોડ્યુસર તરીકે પણ એક્ટિવ છે. તેમની જાણીતી ફિલ્મ્સમાં ‘ચલ મન જીતવા જઈએ’, ‘બેક બેન્ચર’, ‘બેટર હાફ’, ‘અનુરાગ'(મરાઠી)નો સમાવેશ થાય છે.

18 Mar
Actors, Artists, Classics

ખડખડાટ હસાવતો કલાકાર – પી. ખરસાણી – (P. Kharsani)

19th June 1926ના રોજ જન્મેલા પ્રાણલાલ ખરસાણી તેમનાં લોકપ્રિય નાટકો અને ફિલ્મોને કારણે પી. ખરસાણી તરીકે વધુ જાણિતા છે. તેમણે ઘણાં પાત્રો નાટકનાં તખ્તા ઉપર જીવંત કર્યા; જો કે તેઓ તેમનાં comic roles માટે વધુ જાણિતા છે. 1958થી 2008 સુધી તેઓ ફિલ્મ અને નાટ્ય જગત સાથે સંકળાયેલા રહ્યાં. 75થી વધુ નાટકો અને ફિલ્મોમાં તેઓ કામ કરી ચૂક્યા છે. મુંબઈ ખાતે સળંગ 3 વર્ષ સુધી (1955-1957) તેમને શ્રેષ્ઠ અભિનેતાનો એવોર્ડ, 1989માં ગુજરાત ગૌરવ પુરસ્કાર, 1996માં પં. ઓમકારનાથ ઠાકુર એવોર્ડ, 1997માં Gujarat Film Development Corporation તરફથી એવોર્ડ અને 2016માં નટરાજ એવોર્ડથી નવાજવામાં આવ્યા છે. તેમણે ‘નારી તું નારાયણી’, ‘લાખો ફુલાણી’, ‘ભાથીજી મહારાજ’, ‘ભવની ભવાઈ’, ‘મેનાં ગુર્જરી’, ‘નસીબની બલિહારી’ જેવી ફિલ્મોમાં કામ કર્યું છે અને લોકપ્રિય નાટકો જેવા કે ‘મળેલા જીવ’, ‘પડદા પાછળ’, ‘માફ કરજો, આ નાટક નહિ થાય’, ‘રાજાને ગમે તે રાણી’ છે.

18 Mar
Actors, Artists, Classics

દર્શકોને હંમેશા હસાવનાર – દિનેશ હિન્ગૂ – (Dinesh Hingoo)

300થી વધુ ફિલ્મોમાં અભિનય કરી ચૂકેલા સ્વ. દિનેશ હિન્ગૂની કારકિર્દી 1967 – 2013ની રહી. પોતાનાં કોમેડી અભિનય માટે જાણિતા આ કલાકાર ગુજરાતી ફિલ્મોમાં પણ પોતાનું પ્રદાન આપી ચૂક્યા છે. ‘કાચી માટીનાં કોડિયાં’, ‘વિસામો’, ‘કરિયાવર’, ‘માં-દીકરી’ તેમની નોંધપાત્ર ગુજરાતી ફિલ્મો છે.

18 Mar
Artists, Singers

અવાજ અને પડદાનાં કલાકાર – ધ્વનિત ઠાકર – (Dhvanit Thaker)

ગુજરાત ઉપરાંત દેશ-વિદેશમાં જાણિતા RJ ધ્વનિતનો જન્મ અમદાવાદમાં થયો. તેમનું schooling અમદાવાદમાં જ થયું અને Sc. With Chemistry તેમણે M.G. Science Collegeમાં કર્યું. તેમણે M. Sc. કરવાની શરૂઆત કરી હતી પરંતુ પિતાનાં અવસાનને કારણે તેમણે Life Insurance Corporationમાં જોડાવવું પડ્યું. પરંતુ, 2003ની સાલમાં તેમની lifeએ ગતિ પકડી અને આજે તેઓ અમદાવાદનાં શ્રેષ્ઠ રેડિયો જૉકીમાંનાં એક છે. ‘Majja Ni લાઈફ’ નામનું music album 2010માં release થયું અને તેનાં ‘પહેલાં પ્રેમની’, ‘પરી’ ગીતો superhit રહ્યા. આ album Jalso applicationમાં પણ ઉપલબ્ધ છે. હાલ ધ્વનિતે ગુજરાતી ફિલ્મોમાં પણ પોતાની પકડ જમાવી છે. અત્યાર સુધી તેમની Vitamin She, Short Circuit (as a lead) આવી ચૂકી છે તેમજ Kevi Rite Jaish, Better Half, Mohan Na Monkiz, Passport, Mission Mummyમાં પણ તેઓ કામ કરી ચૂક્યા છે.

18 Mar
Actors, Artists, Classics

પ્રખ્યાત અભિનેતા – અરવિંદ ત્રિવેદી : (Arvind Trivedi)

અરવિંદ ત્રિવેદીનો જન્મ 8 નવેમ્બર 1938માં ઇન્દોરમાં થયો હતો. અરવિંદ ત્રિવેદી રામાનંદ સાગરની રામાયણમાં ‘રાવણ’ના પાત્ર માટે સૌથી વધારે જાણીતા છે. તેમણે તેમની અભિનયની 40 વર્ષની કરિયરમાં 250થી પણ વધુ ગુજરાતી અને હિન્દી ફિલ્મ્સમાં કામ કર્યું છે. તેમની ગુજરાતી ખૂબ જાણીતી ફિલ્મ્સમાં ‘દેશ રે જોયા દાદા પરદેશ જોયા’, ‘જેસલ તોરલ’, ‘મણિયારો’, ‘ઢોલી’ વગેરે વગેરે ફિલ્મ્સનો સમાવેશ થાય છે. તેઓના મોટાભાઈ ‘ઉપેન્દ્ર ત્રિવેદી’ પણ નટ સમ્રાટ તરીકે જાણીતા થયા હતા.