Read More
DEVOTIONAL

કેમ શનિવારે હનુમાન ચાલીસા કરવાનું વિશેષ મહત્વ છે?

કેમ શનિવારે હનુમાન ચાલીસા કરવાનું વિશેષ મહત્વ છે?

શનિવારે હનુમાન ચાલીસા કરવાથી થતા ફાયદા

આપણે ત્યાં ભારતીય પરંપરામાં પ્રત્યેક દેવી – દેવતાઓ ની ઉપાસના માટે ચોક્કસ દિવસો નક્કી કરવામાં આવ્યા છે, જેના કારણ જોતા એવું લાગે છે કે ચોક્કસ દિવસોમાં દેવી દેવતાઓની ઉપાસના કરવાથી તે દેવી કે દેવતાઓની વિશેષ કૃપા – ઉર્જા મેળવી શકાય છે.

શનિવારના દિવસે જો હનુમાન ચાલીસના પાઠ કરવામાં આવે તો હનુમાનજીની વિશેષ કૃપા મળે છે.

હનુમાનજી માટે કોઈ પણ કામ કરવું અશક્ય નહોતું એવી ચોપાઈ સુંદરકાંડમાં છે.

‘પવનતનય બલ પવન સમાના, બુદ્ધિ બિબેક વિજ્ઞાન નિધાના’, ‘કવન સો કાજ કઠિન જગ માંહી, જો નહીં હોય તાત તુમ પાહી ’

પવન જેવું શરીર અને બળ ધરાવનારા , વિવેક પૂર્વકની બુદ્ધિ અને વિજ્ઞાન જેમનામાં છે એવા હનુમાનજીથી એવું કોઈપણ કામ નથી જે એમના માટે કઠીન હોય.

હનુમાન ચાલીસાના પાઠમાં જ આવે છે કે, સંકટ કટે મિટે સબ પીરા, જો સુમિરે હનુમંત બલબીરા.

હનુમાન ચાલીસના પાઠ કરવાથી ઘરમાંથી નકારાત્મક ઉર્જાનો નાશ થાય છે, જીવનમાં આવતા સંકટો  હનુમાનજી મહારાજની ઉપાસનાથી દૂર થાય છે. ઉપરાંત બીમારી ટાળવા માટે નાસે રોગ હરે સબ પીરા, જપત નિરંતર હનુમંત વીરા પંક્તિનો નિરંતર પાઠ કરવાથી ફાયદો થાય છે.

હનુમાન ચાલીસાના પાઠ કરવાથી અષ્ટ સિદ્ધિ અને નવ નિધિ પ્રાપ્ત થાય છે,

अष्ट सिद्धि नव निधि के दाता, अस बर दीन जानकी माता

એની પાછળની કથા એવી છે કે જ્યારે રાવણ સીતા હરણ કરીને લંકા આવી જાય છે પછી રામ  હનુમાનજી મુદ્રિકા (વીંટી) લઈને સીતાજી પાસે મોકલે છે ત્યારે સીતાજી રામ ભગવાનની વીંટી જોઈને રાજી થાય છે અને હનુમાનજીને વરદાન આપે છે, કે જે કોઈ હનુમાનજીની ઉપાસના કરશે તો તેમને આઠ સિદ્ધિ અને નવ નિધિ પ્રાપ્ત થશે.

એક કથામાં મોરારી બાપુ હનુમાન શબ્દનો અર્થ કરતા કહે છે કે,

હ, અક્ષરનો અર્થ થાય હકારાત્મકતા, હનુમંત તત્વ હકારાત્મ્ક છે,

નુ, અક્ષરનો અર્થ કરતા કહે છે કે હકારાત્મકતા હોવી જોઈએ પણ એ કોઈને નુકશાન કરે એવી ના હોવી જોઈએ.એટલે કે નુકશાન કારક હકારાત્મકતા ના હોવી જોઈએ.

મા, હનુમાનજી મહારાજ માનદ છે, માન આપનાર, માન દાતા છે.

ન, નો અર્થ થાય નમ્રતા, સહજતા.

જેની વિચારધારા હકારાત્મક હોય , અને એ હકારાત્મકતા કોઈને નુકશાનકર્તા ના હોય અને બધાને માન આપનાર હોવા છતાં નમ્રતાથી – સરળતાથી વર્તે.

આ છે હનુમંત તત્વ…

હનુમાન ચાલીસના અલગ અલગ Versions જલસો એપ્લીકેશનમાં available છે.

આ રહી એની Link,