વિદ્યા સિન્હા ભારતની એવી અભિનેત્રી છે જેમણે બોલિવુડ ફિલ્મમાં કામ કરેલું છે. ૧૮ વર્ષની ઉંમરમાં મોડેલિંગ અને એક્ટિંગની શરૂઆત કરી હતી. ‘રાજા કાકા’ ફિલ્મમાં સૌ પ્રથમ કામ કરેલું. તે પછી તેમના શિક્ષક બસુ ચેટર્જીની ફિલ્મ ‘રજનીગંધા’માં અભિનય કર્યો હતો. ‘છોટી સી બાત’(૧૯૭૫) અને ‘પતિ-પત્ની ઔર વોહ’(૧૯૭૭) ફિલ્મમાં પણ તેમણે અભિનય કર્યો છે. ૨૦૦૦ની સાલમાં ‘બહુ રાની’, ૨૦૦૪ની સાલમાં ‘કાવ્યાંજલી’ અને ‘હમ દો હૈ ના’ વગેરે જેવી સિરિયલમાં પણ કામ કરેલું છે.
હિન્દી ફિલ્મજગત તેમજ ગુજરાતી ફિલ્મજગતનાં બહુ જાણીતા મનપસંદ ગાયક અને ટેલિવિઝનની દુનિયામાં પણ નિર્ણાયક બનીને પોતાની કારકિર્દી બનાવનાર તેમજ તેમના સુરીલા અવાજ માટે શાન ખૂબ પ્રખ્યાત છે. “બેટર હાફ” જેવી ગુજરાતી ફિલ્મોમાં પોતાનો સૂર આપીને, “મને કોણ આ”, “સંગ સમયની” જેવા અદભુત કર્ણપ્રિય ગીતો આપ્યા છે. તેમણે ગુજરાતી ઉપરાંત બંગાળી, મરાઠી, ઉર્દુ, તેલુગુ, કન્નડ અને અંગ્રેજી ફિલ્મોનાં ગીતોમાં પણ સ્વર આપ્યો છે. તેમને ઘણાં બધા પુરસ્કારો પણ મળેલા છે.
રીટા ભાદુરી મૂળ ગુજરાતી ન હોવા છતાં ગુજરાતી ફિલ્મ જગતમાં ખૂબ સુંદર અભિનય કરીને ખૂબ પ્રસિદ્ધ બનેલા આ હસ્તીએ ટી.વી. સિરિયલોથી લઈને બોલીવુડ સિનેમામાં પણ બહોળુ યોગદાન આપેલ છે. લગભગ 71 જેટલી ફિલ્મો અને 33થી વધુ સિરિયલોમાં કામ કર્યું છે. તેમના અભિનય માટે તેમને પુરસ્કારો પણ મળેલ છે. તેમણે ‘રૂડો રબારી’, ’સમયની સંતાકૂકડી’, ’કાશીનો દીકરો’ જેવી લોકપ્રિય ફિલ્મોમાં કામ કરેલ છે.
રાસબિહારી દેસાઇ જેઓ સુગમ સંગીતનાં ખૂબ જાણીતા ગાયક અને સંગીત નિર્દેશક છે. તેઓનો ગુજરાતી સંગીતમાં ખૂબ મોટો ફાળો રહ્યો છે. તેમણે ૧૯૬૧માં ‘શ્રુતિ વૃંદ’ની શરૂઆત કરી. તેમને ‘કાશીનો દીકરો’ફિલ્મ માટે શ્રેષ્ઠ સંગીત નિર્દેશકનો પુરસ્કાર મળ્યો હતો. તે ઉપરાંત જીવનસંગિની વિભા દેસાઈ સાથે મળીને ભક્તિગીતો અને અમુક પ્રખ્યાત ભજનો આપ્યા છે. ‘ને તમે યાદ આવ્યાં’ જેવાં મનમોહક ફિલ્મી ગીતો પણ આપ્યા છે.
પાર્થિવ ગોહિલનો જન્મ ગુજરાતના ભાવનગરમાં થયો હતો. તેમની પત્ની માનસી પારેખ પણ તેમની જેમ જ એક સુંદર ગાયિકા છે. તેમણે દુહા – છંદ, ગરબા, ગાયા છે. હિન્દી અને ગુજરાતી બંને ભાષાની ફિલ્મમાં તેમણે ગાયેલું છે. થઈ જશે, કેવી રીતે જઈશ, વેન્ટીલેટર જેવી ગુજરાતી ફિલ્મમાં ગાયું છે.
પાર્થ ઓઝા ખૂબ જાણીતા ગાયક, અભિનેતા અને ડોક્ટર છે. જાહેરાતો, શોર્ટ ફિલ્મો, ડોક્યુમેન્ટરી, આલ્બમો, વગેરેમાં પોતાનો અવાજ આપીને છવાઈ ગયા છે. ૧૨ વર્ષની ઉંમરથી કારકિર્દીની શરૂઆત કરીને ‘હુ તુ તુ તુ’ , ‘પેલા અઢી અક્ષર’, ‘ગુજરાતી વેડિંગ ઈન ગોઆ’, ‘આપણે તો છીએ બિન્દાસ’ વગેરે ફિલ્મોમાં પોતાનો અવાજ આપ્યો છે .
નેહા મેહતા અત્યંત જાણીતા અભિનેત્રી છે. તેમનો જન્મ ભાવનગરમાં થયેલો. તેમની કારર્કિદીના સમય દરમિયાન સૌથી લોકપ્રિય થયેલું પાત્ર તારક મહેતાની સિરિયલમાં અંજલીનું પાત્ર કેહવાય છે. મુંબઇમાં કોલેજના અભ્યાસની સાથે તેઓ સંગીત અને નાટ્ય ક્ષેત્રમાં આગળ વધ્યા… ‘ધામ’ ફિલ્મથી તેમણે અભિનય ક્ષેત્રના માધ્યમમાં શરૂઆત કરેલી. તે પછી ‘બેટર હાફ’ ફિલ્મ કરી. ૨૦૦૧માં ‘ડોલર બહુ’ નામની હિન્દી સિરિયલ અને ૨૦૦૨માં ‘સો દા’ડા સાસુના’ ગુજરાતી સિરિયલમાં અભિનય કર્યો છે.
ભણતર અને સાહિત્યનો અદભુત સમન્વય ધરાવતા ડો. મુકુલ ચોક્સી એક શ્રેષ્ઠ ડોક્ટરની સાથે સાથે કવિ પણ છે. તેમણે છેલ્લા ૨૫ વર્ષમાં સુંદર ગઝલ, કવિતાઓ આપી છે. તેમને ૨૦૧૪માં કલાપી પુરસ્કાર અને ગુજરાત સાહિત્ય અકેડેમી લેખક પુરસ્કારથી સન્માનિત કરવામાં આવ્યા હતા. તેમની ‘Human Mind’, કવિતાઓને સંગ્રહિત પુસ્તકો લખ્યાં છે.
મેહુલ સુરતી એક ઉમદા સંગીતકાર છે. તેઓ સુરતના વતની છે. ‘કેવી રીતે જઇશ’, પાસપોર્ટ, કૂખ,વિટામિન શી, શોર્ટ સર્કિટ જેવી ગુજરાતી ફિલ્મમાં તેમણે મ્યુઝિક આપ્યું છે. આના સિવાય તેમણે રેડિયો, ટી.વી. જાહેરાત, નાટકો, ડોક્યુમેન્ટરી માટે તેમણે મ્યુઝિક આપ્યુ છે. આપણા જાણીતા કવિ શ્રી નર્મદ માટે તેમણે એક ગીત તૈયાર કર્યું છે. ગુજરાતી ઇન્ડસ્ટ્રીઝમાં અદભુત મ્યુઝિક આપવામાં તેમનો ઘણો મોટો ફાળો આપ્યો છે. તેમણે જલસોના એપલિકશનની જીંગલ પણ કમ્પોઝ કરી છે.
જોનિતા ગાંધીનો જ્ન્મ ન્યુ દિલ્હીમાં થયેલો છે. ૨૦૧૩માં સૌ પ્રથમ વખત ‘ચેન્નઇ એક્સપ્રેસ’ મૂવીમાં ગીત ગાયેલું. ગુજરાતી ફિલ્મ ઓક્સિજનમાં ‘નોખો અનોખો’ ગીત ગાયેલું છે.લવની ભવાઇ મૂવીમાં ‘આઇ લવ યુ રે મારી સવાર’ ગીત ખૂબ પ્રચલિત થયુ હતું. તેઓ હિન્દી અને ગુજરાતી એમ બંને ભાષામાં કાર્યરત છે. તેમણે આરોગ્ય વિજ્ઞાન અને વ્યવસાયમાં તેમની ડિગ્રીનું શિક્ષણ પૂર્ણ કર્યું છે. તેણીએ તે દરમિયાન સીઆઈબીસી વર્લ્ડ માર્કેટ્સમાં ઇન્ટર્નશિપ પણ પ્રાપ્ત કરી હતી, પરંતુ જોનિતા ગાંધી માટે સૌપ્રથમ સંગીત જ આવતું હતું, તેથી સંગીત તેમના સમગ્ર શિક્ષણમાં પૃષ્ઠભૂમિમાં ચાલતું રહ્યું અને તેમાં જ આગળ વધ્યાં.