From the console

મખમલ – કવિઓ અને કવિતાઓ અને સ્વપઠન

ગુજરાતી ભાષાનું પદ્ય સાહિત્ય ખૂબ જ સમૃદ્ધ છે. મૂળે તો મધ્યકાળથી રાજસ્થાની અને ગુજરાતી ભાષાના સ્વરૂપ અલગ અલગ થયાં, તે સમયે સૌથી પહેલું સાહિત્ય સર્જન પદ્યમાં જ થયું હતું. મધ્યકાળના ઘણાં લાંબા સમયગાળા સુધી માત્રને માત્ર પદ્ય જ સર્જાયું હતું.

આજે પણ પદ્યમાં શ્રેષ્ઠ સર્જન થાય છે. કાવ્યપ્રકારોનો ખૂબ વિકાસ થયો છે, સાથે સાથે સર્જનની પરિભાષા, રીત ઘણું બદલાયું છે. છતાં, લય અને કાવ્યનું માધુર્ય બરકરાર છે.

ગુજરાતી સાહિત્યની આવી અદ્ભૂત પદ્યરચનાઓ ક્યાંથી વાંચવી કે સાંભળવી, એવો પ્રશ્ન થતો હોય, તો તેનો જવાબ છે – મખમલ. મખમલી પોત જેટલા મુલાયમ શબ્દો કવિઓ દ્વારા એવી સુંદર રીતે વણવામાં આવે છે કે મોંમાંથી દાદ સિવાય બીજું કંઈ જ નીકળી ના શકે. જલસો મ્યુઝિક ઍપ દ્વારા કવિતાની આવી જ મખમલી મુલાયમતાને અકબંધ રાખવાનો પ્રયત્ન કરવામાં આવ્યો છે.

જલસો મ્યુઝિક ઍપમાં ‘મખમલ’ સેગમેન્ટમાં કવિઓની કવિતાઓને તેમના જ અવાજમાં રૅકોર્ડ કરીને રજૂ કરવામાં આવે છે. સુંદર મજાના ધીમા ધીમા સંગીતની સાથે સાથે કવિઓ પોતાની કવિતાને રજૂ કરે ત્યારે આપોઆપ એક સમા બંધાઈ જાય છે.

સાંજના સમયે જો ચાની ચુસ્કીઓને વધારે અસરદાર બનાવવી હોય, તો મખમલનું ટૅબ ખોલો, તમારા ગમતાં કવિના આલ્બમને પ્લે કરો અને આરામથી તમારી સાંજને વધુ રંગીન બનાવો!

 

 

 

Related Posts

Leave a Reply

Your email address will not be published. Required fields are marked *